কোকৰাঝাৰ ডিআৰডিএৰ আলোচনাকক্ষত পুষ্টি সজাগতা সভা

সমগ্ৰ দেশৰ লগতে কোকৰাঝাৰতো পোষণ মাহ উদযাপন কৰা হৈছে। চৰকাৰৰ তৰফৰ পৰা সমগ্ৰ মহাজুৰি এই উদ্দেশ্যে বিভিন্ন কাৰ্যসূচী হাতত লোৱা হৈছে।

জিলাখনৰ সৰ্বত্ৰ পোষণ মাহ সম্পৰ্কে সচেতনতা জাগৰিত কৰাৰ বাবে ২১ ছেপ্টেম্বৰত সমাজ কল্যাণ, স্বাস্থ্য আৰু পৰিয়াল কল্যাণ, জনস্বাস্থ্য কাৰিকৰী, শিক্ষা, পঞ্চায়ত আৰু গ্ৰামোন্নয়ন, খাদ্য, অসামৰিক যোগান আৰু গ্ৰাহক পৰিক্ৰমা বিভাগৰ সৈতে জিলা পৰ্যায়ৰ পৰিপুষ্টি বিষয়ক সমন্বয়ক সভা এখন অনুষ্ঠিত কৰা হয়। এই সভাত সভাপতিত্ব কৰে কোকৰাঝাৰ ডিআৰডিএৰ প্ৰকল্প সঞ্চালক প্ৰাণজিত কুমাৰ ৱাৰিয়ে। সভাখন অনুষ্ঠিত হৈছিল কোকৰাঝাৰ ডিআৰডিএৰ আলোচনাকক্ষত।

ৱাৰিয়ে প্ৰতিটো বিভাগকে সমাজৰ আৰ্থ-সামাজিক বিকাশৰ বাবে পৰিপুষ্টিৰ প্ৰয়োজনীতাৰ ওপৰত জোৰ দিবলৈ আহ্বান জনায়।

ৱাৰিয়ে কয় যে বিভিন্ন চৰকাৰী বিভাগক একত্ৰিকৰণ কৰি অপুষ্টি আঁতৰোৱাৰ প্ৰচেষ্টা কৰিলে ভাৰত অপুষ্টিমুক্ত হ’ব।

সভখনত কোকৰাঝাৰৰ জিলা প্ৰকল্প বিষয়া  সত্যবান ব্ৰহ্মই পোষণ মাহৰ ওপৰত এটা পাৱাৰপইণ্ট প্ৰজেণ্টেশ্যন কৰে।

সভাৰ সামৰণিত সভাখনৰ অধ্যক্ষ বিভিন্ন বিভাগৰ বিষয়াসকলক পোষণ মাহক সফল কৰিবলৈ আহ্বান জনায়।