কয়াকুছি মহাবিদ্যালয়ত ৰাষ্ট্ৰীয় সেৱা আচনিৰ প্ৰতিষ্ঠা দিৱস উদযাপন

বৰপেটা জিলাৰ সৰুক্ষেত্ৰী সমষ্টিৰ অন্তৰ্গত বিদ্যানগৰী তথা বিশ্ব বিখ্যাত ঢাৰিনগৰীস্থিত কয়াকুছি মহাবিদ্যালয়ত  দিনযোৰা কাৰ্যসূচীৰে ৰাষ্ট্ৰীয় সেৱা আচনি বা এনএছএছৰ প্ৰতিষ্ঠা দিৱস পালন কৰা হয়। এই উপলক্ষে ছাত্ৰ বাবুল হকৰ তত্বাবধানত   ছাফাই অভিযানৰ পিছত মহাবিদ্যালয়ৰ পতাকা উত্তোলন কৰে অধ্যাপক গোলাপ খানে।   ৰাষ্ট্ৰীয় সেৱা আচনিৰ পতাকা উত্তোলন কৰে আঁচনিৰ কাৰ্যসূচী বিষয়া হান্নান আলী আহমেদে।

ৰাষ্ট্ৰীয় সেৱা আচনিৰ আৰম্ভণি গীতেৰে শুভাৰম্ভ হোৱা সভাখনত  কয়াকুছি আৰক্ষী চকীৰ ভাৰপ্ৰাপ্ত বিষয়া  হেমন্ত হালৈ, কয়াকুছি কনিষ্ঠ মহাবিদ্যালয়ৰ অধ্যক্ষ ৰফিকুল ইছলাম, অধ্যাপক জাকিৰ হুছেইন, অধ্যাপক  মহিৰ উদ্দিন আহমেদ, অধ্যাপক গোলাপ খান, শিল্পী জাকিৰ হুছেইন আদি বহু সংখ্যক গণ্য-মান্য ব্যক্তি অতিথি হিচাপে    উপস্থিত থাকে।

আদৰ্শ জাতীয় বিদ্যালয়, ইউনিক একাডেমি, আসাম একাডেমী¸ জীৱনজ্যোতি জাতীয় বিদ্যালয়, লৱাৰ আসাম একাডেমী¸  আঞ্চলিক জাতীয় বিদ্যালয়, কয়াকুছি  উচ্চতৰ মাধ্যমিক বিদ্যালয়¸  দাৰুল হিকমাহ একাডেমি আদি শোভাযাত্ৰাত অংশগ্ৰহণ কৰা শিক্ষানুষ্ঠানৰ মাজত ৰাষ্ট্ৰীয় সেৱা আচনিৰ কৰ্তৃপক্ষৰ তৰফৰ পৰা  গছ পুলি বিতৰণ কৰা হয়।

সভআৰ শেষত ৰাষ্ট্ৰীয় সেৱা আচনিৰ প্ৰতিষ্ঠা দিৱসটো সফলভাৱে পালন কৰাত সহযোগ কৰাৰ বাবে  শলাগৰ শৰাই আগবঢ়ায় কাৰ্যসূচী বিষয়া, অধ্যাপক হান্নান আলী আহমেদে।