২৪ ঘণ্টা অতিক্ৰম কৰিলে পঞ্চায়তৰ ভোট গণনাই, জয়ৰ দিশত বিজেপি

ৰাজ্যত চলি থকা পঞ্চায়ত নিৰ্বাচনৰ ভোট গণনা প্ৰক্ৰিয়াই ২৪ ঘণ্টা অতিক্ৰম কৰিলে। কালি অৰ্থাৎ বৃহস্পতিবাৰৰ পুৱা ৮ বজাৰ পৰা ভোট গণনা আৰম্ভ হৈছিল।

উল্লেখযোগ্য যে এইবাৰৰ পঞ্চায়ত নিৰ্বাচনত শাসনাধিস্থিত বিজেপি দলেই গৰিষ্ঠ সংখ্যক আসন দখল কৰাৰ দিশে অগ্ৰহৰ হোৱা দেখা গৈছে। এইপৰ্যন্ত ঘোষণা হোৱা ফলাফল অনুসৰি বিজেপিয়ে সৰ্বাধিক পঞ্চায়ত দখল কৰাৰ বিপৰীতে আঞ্চলিক শক্তি অগপই বেয়াকৈ মুখ থেকেছা খাইছে।

আমালৈ অহা খবৰ অনুসৰি প্ৰাক্তন মুখ্য মন্ত্ৰী প্ৰফুল্ল মহন্তৰ সমষ্টি কলিয়াবৰ, অগপৰ দলপতি অতুল বৰাৰ সমষ্টি বোকাখাতকে ধৰি ৰাজ্যৰ প্ৰায় সংখ্যক ঠাইতে প্ৰধান আঞ্চলিক দলটোৱে আসন লাভ কৰাত সম্পূৰ্ণ ব্যৰ্থ হৈছে।  

ঠিক একেদৰে কংগ্ৰেছৰ ক্ষেত্ৰটো প্ৰাক্তন প্ৰভাৱশালী মন্ত্ৰী প্ৰদ্যুৎ বৰদলৈ, ৰকিবুল হুছেইন ৰিপুন বৰাকে ধৰি কেইবাগৰাকী শীৰ্ষ নেতাৰ সমষ্টি তথা দলটোৰ দুৰ্গত মুখ্যম আঘাট পৰিছে।

আনহাতে ৰাজ্যৰ কোনো কোনো ঠাইত সংঘটিত দুই-এক বিক্ষিপ্ত ঘটনাৰ বাহিৰে ভোট গণনা কাৰ্য শান্তিপুৰ্ণভাৱে চলি আছে বুলি জানিব পৰা গৈছে।

আজি সন্ধিয়াৰ ভিতৰত ভোটগণনা কাৰ্য সম্পূৰ্ণ হোৱাৰ সম্ভাৱনা আছে এতিয়াই ইয়াক সঠিকভাৱে ক’ব পৰা নাযাব।