সদৌ অসম প্ৰাইজমাণি বেডমিণ্টন প্ৰতিযোগিতাত কৰিমগঞ্জৰ ৰীতাব্ৰতা-অমিত চেম্পিয়ন

বৰপেটাত অনুষ্ঠিত অসম ভিত্তিত প্ৰাইজমাণি বেডমিণ্টন প্ৰতিযোগিতাত কৰিমগঞ্জৰ ৰীতাব্ৰতা পাল আৰু অমিত শ্বাহাই চেম্পিয়নৰ খিতাপ লাভ কৰিবলৈ সক্ষম হৈছে।

বৰপেটাৰ মুছলিমপট্টিৰ বেডমিণ্টন ক্লাবৰ উদ্যোগত ন’ন-ৰেংকিং অসম ভিত্তিত প্ৰাইজমাণি বেডমিণ্টন (পুৰুষ) প্ৰতিযোগিতাত কৰিমগঞ্জৰ প্ৰতিযোগী দুগৰাকীয়ে ধেমাজিৰ ৰূপম মালকিন আৰু দীপক শৰ্মাক পৰাভূত কৰি চেম্পিয়নৰ খিতাপ দখল কৰে।

স্থানীয় টাউন হাইস্কুল খেলপথাৰত অনুষ্ঠিত প্ৰতিযোগিতাখনৰ কালি নিশা প্ৰায় এক বজাত অনুষ্ঠিত চূড়ান্ত খেলখনত তীব্ৰ প্ৰতিদ্বন্দ্বিতাৰ অন্তত কৰিমগঞ্জৰ ৰীতাব্ৰতা পাল আৰু অমিত শ্বাহাই চেম্পিয়নৰ খিতাপ লাভ কৰে।

নিশা অনুষ্ঠিত বঁটা বিতৰণী সভাত চেম্পিয়ন খিতাপ লাভ কৰা ৰীতাব্ৰতা পাল আৰু অমিত শ্বাহাক ট্ৰফীৰ লগতে নগদ দহ হাজাৰ টকা, ৰাণাৰ্ছআপ ৰূপম মালকিন আৰু দীপক শৰ্মাক ট্ৰফীৰ লগতে সাত হাজাৰ টকা আৰু তৃতীয় স্থান লাভ কৰা কোক্ৰাঝাৰৰ নিস্তাৰ আৰু অমিতক ট্ৰফীৰ লগতে নগদ তিনি হাজাৰ টকা প্ৰদান কৰে।

বঁটা বিতৰণী সভাত সমাজকৰ্মী নুৰুল ইছলাম, বৰপেটা টাউন হাইস্কুলৰ প্ৰধান শিক্ষক নজিবুল হক, উদ্যোক্তা ক্লাবটোৰ সভাপতি-সম্পাদক ক্ৰমে মইদুল হক আৰু মজিবৰ ৰহমানৰ লগতে কেবাগৰাকীও বিশিষ্ট ব্যক্তি আৰু ক্ৰীড়াপ্ৰেমী ৰাইজ উপস্থিত থাকে।