গোৱালপাৰা জিলা পৰিষদ গঠন কৰিলে কংগ্ৰেছে
উৎকণ্ঠাৰ অন্ত পেলাই মঙলবাৰে গোৱালপাৰা জিলা পৰিষদ গঠন কৰি স্বস্তিৰ নিঃশ্বাস এৰিছে কংগ্ৰেছে। জিলা উপায়ুক্তৰ কাৰ্য্যলয়ৰ প্ৰেক্ষাগৃহত উপায়ুক্ত বৰ্ণালী ডেকাই সভাপতিত্ব কৰা এখন সভাত পঞ্চায়তী আইন, ১৯৯৪ ৰ ৭০ নং ধাৰা অনুসৰি গোপন বেলত কাকতত ভোট দান কৰি নিৰ্বাচিত সদস্যসকলে নতুন সমিতিখন গঠন কৰে।
মুঠ ১৬জন সদস্য থকা পৰিষদখনলৈ কংগ্ৰেছৰ পৰা এইবাৰ ৭ জন সদস্য নিৰ্বাচিত হয়। কংগ্ৰেছৰ প্ৰাৰ্থী দেমজিয়া মাৰাক ৰাভা হাছং জইণ্ট ম’ভমেণ্ট সমিতি, বিজেপি আৰু এ আই য়ু ডি এফৰ সন্মিলিত বিৰোধী প্ৰাৰ্থী প’ৰিতা ৰংখোক এটা ভোটৰ ব্যৱধানত পৰাস্ত কৰি জিলা পৰিষদখনৰ সভাপতিৰূপে নিৰ্বাচিত হয়।
উল্লেখযোগ্য যে এ আই য়ু ডি এফৰ জলেশ্বৰ সমষ্টিৰ সদস্য ফিৰোজা বেগম অনুপস্থিত থকা বাবে কংগ্ৰেছ প্ৰাৰ্থীগৰাকীৰ সভাপতি হোৱাৰ বাট সহজ হৈ পৰে।
আনহাতে, মাটিয়া সমষ্টিত কংগ্ৰেছৰ বিধায়ক এ কে ৰচিদ আলমৰ ভনীয়েকক পৰাস্ত কৰা নিৰ্দলীয় প্ৰাৰ্থী চৰিফা আহমেদ উপসভাপতি হিচাপে নিৰ্বাচিত হয়। গোৱালপাৰা জিলা পৰিষদত কংগ্ৰেছে সাতটা, বিজেপি আৰু এ আই ইউ ডি এফে তিনিটাকৈ সদস্য পদত বিজয়ী হৈছিল।
You may also like
নুমলীগড়ত গ্ৰেপ্তাৰ মাতাল প্রিজাইডিং বিষয়া : ৰতনপুৰত আনৰ নামত ভোট দিয়াক লৈ উত্তেজনা
আজি অনুষ্ঠিত হোৱা লোকসভা নিৰ্বাচনৰ প্ৰথম পৰ্যায়ৰ ভোটগ্ৰহণৰ দিনটোত নুমলীগড়ত এজন প্ৰিজাইডিং বিষয়াই কৰ্তব্যৰ সময়তে সুৰাপান কৰাৰ ঘটনা ঘটে। ভোটগ্ৰহণ কেন্দ্ৰটোত মাতাল…
বানৰ সমানে সমানে কৃষ্ণাই নৈৰ খহনীয়াৰ ভয়ংকৰ ৰূপ
বানৰ তাণ্ডৱৰ মাজতে কৃষ্ণাই নৈৰ খহনীয়াই এতিয়া শংকিত কৰি তুলিছে স্থানীয় ৰাইজক৷ শেহতীয়াকৈ কৃষ্ণাইৰ পশ্চিম দায়ৰং অঞ্চলত কৃষ্ণাই নৈৰ খহনীয়াই লৈছে ভয়ংকৰ…
কোভিডত আক্ৰান্ত হ’ল কংগ্ৰেছ নেতা তথা লোকসভাৰ সাংসদ প্ৰদ্যুত বৰদলৈ
লোকসভাৰ সাংসদ তথা জ্যেষ্ঠ কংগ্ৰেছ নেতা প্ৰদ্যুৎ বৰদলৈ কোভিডত আক্ৰান্ত হৈছে। নগাঁৱৰ কংগ্ৰেছ সাংসদগৰাকীয়ে এক টুইটযোগে এই কথা প্ৰকাশ কৰিছে। টুইটত সাংসদ…
ইমৰাণ খানে বিচাৰিলে পাকিস্তানত সেনা পঠিয়াই সহায় কৰিব ভাৰতে: ৰাজনাথ সিং
পাকিস্তানত সন্ত্ৰাসবাদ দমনৰ ক্ষেত্ৰত লোৱা দেশখনৰ ভূমিকা সন্দৰ্ভত ভাৰতে ইতিমধ্যে আন্তৰ্জাতিক মঞ্চত অভিযোগ কৰি আহিছে। কিন্তু ইয়াৰ সুফল একো দেখা যোৱা নাই।…