জাগীৰোডৰ নগাঁও কাগজ কলত বিধ্বংসী অগ্নিকাণ্ড

জাগীৰোডৰ নগাঁও কাগজ কলত মঙলবাৰে পুৱা এক বিধ্বংসী অগ্নকাণ্ড সংঘটিত হয়। কাগজ কলটোৰ ১৩২ কে ভি বিদ্যুতৰ পাৱাৰহাউছৰ নিয়ন্ত্ৰণ কক্ষত সংঘটিত এই অগ্নিকাণ্ডৰ ফলত কাগজ কলটোৰ বিস্তৰ ক্ষতিসাধন হয়।

জানিব পৰা মতে, অগ্নিকাণ্ডটোৰ ফলত কেইবা লাখ টকাৰ সামগ্ৰীৰ লগতে যন্ত্ৰ-পাতি ভষ্মীভূত হৈ পৰে।

অগ্নিকাণ্ডৰ ঘটনা সংঘটিত হোৱাৰ পাছতেই প্ৰথমতে কলটোৰ কৰ্মচাৰীসকলে জুই নুমুৱাবলৈ চেষ্টা কৰে যদিও নিমিষতে জুইৰ লেলিহান শিখা বিয়পি পৰে।

ইয়াৰ পাছতে অগ্নিনিৰ্বাপক বাহিনীৰ কেইবাখনো গাড়ী ঘটনাস্থলীত উপস্থিত হৈ জুই নিয়ন্ত্ৰণ কৰে। অগ্নিকাণ্ডটোৰ ফলত সৃষ্টি হোৱা জুই সম্পূৰ্ণৰূপে নিৰ্বাপিত কৰিবলৈ দুঘন্টাতকৈয়ো অধিক সময় লাগে।

ইপিনে, আৰক্ষী বিষয়াই অগ্নিকাণ্ডৰ উৎস সম্পৰ্কে এতিয়াও নিশ্চ হ’ব পৰা নাই। অৱশ্যে, শ্বৰ্ট চাৰ্কিটৰ ফলতে এই বিধ্বংসী জুইৰ সূত্ৰপাত ঘটা বুলি সন্দেহ কৰা হৈছে। অগ্নিকাণ্ডৰ ফলত কাগজ কলটোৰ সকলো বিদ্যুৎ যোগান ব্যাহত হৈ পৰিছে।