প্ৰথমবাৰৰ বাবে বেংগালোৰত প্ৰদৰ্শন কৰিব আৱাহন থিয়েটাৰে
বেংগালোৰত বাস কৰা অসমীয়া নাট্যপ্ৰেমীসকলৰ বাবে এক ভাল খবৰ। অসমৰ জনপ্ৰিয় ভ্ৰাম্যমাণ নাট্যগোষ্ঠি আৱাহন থিয়েটাৰে অহা ২৬ এপ্ৰিলৰ পৰা ২৮ এপ্ৰিললৈ মহানগৰখনত নাটক মঞ্চস্থ কৰিব।
পূব বেংগালোৰ বিহু সমিতি, আছাম চ’চাইতি অৱ বেংগালোৰ, আছাম এচ’চিয়েশ্যন বেংগালোৰ আৰু শ্ৰীমন্ত শংকৰদেৱ সাংস্কৃতিক সমাজৰ উদ্যোগত আৱাহন থিয়েটাৰে এইবাৰ প্ৰথমবাৰৰ বাবে ৰাজ্যৰ বাহিৰত নাট প্ৰদৰ্শন কৰিব। ইতিমধ্যে সকলো কলা-কুশলিসহ নাট্যগোষ্ঠিটো বেংগালোৰত গৈ উপস্থিত হৈছে।
ভ্ৰাম্যমান নাট্যগোষ্ঠিটোৱে বেংগালোৰত জনপ্ৰিয় নাট্যকাৰ অভিজিত ভট্টাচাৰ্যৰ তিনিখন নাটক ক্ৰমে ২৬ এপ্ৰিলত ‘মকৰা জাল’, ২৭ এপ্ৰিলত ‘মাধুৰী মোৰ নাম’ আৰু ২৮ এপ্ৰিলত ‘মই মাৰ ছোৱালী’ মঞ্চস্থ কৰিব।
নাটককেইখনত অভিনয় কৰিছে অসমৰ জনপ্ৰিয় অভিনেত্ৰী প্ৰস্তুতি পৰাশৰে।
বেংগালোৰৰ ছাৰ্জাপুৰ পথৰ জৈন হাইটছ অলটুৰাৰ কাষতে থকা মুকলি পথাৰত আৱাহণ থিয়েটাৰে নিশা ৭:৩০ বজাৰ পৰা ১০:৩০ বজালৈ নাটক মঞ্চস্থ কৰিব বুলি উদ্যোক্তাসকলে জানিবলৈ দিছে।
You may also like
মেঘালয়ৰ কয়লা খনিত আবদ্ধ অসমৰ শ্ৰমিকৰ খৱৰ ল’বলৈ আহৰি নাই ৰাজ্য প্ৰশাসনৰ
মেঘালয়ৰ পূব জয়ন্তীয়া পাহাৰ জিলাত কয়লা খনিত বিগত দুটা সপ্তাহ ধৰি আবদ্ধ হৈ থকা পোন্ধৰজন খনি শ্ৰমিকক উদ্ধাৰ অভিযানত শেহতীয়াকৈ নামি পৰিব…
কেতিয়াও শেষ নহ’ব কৰ’নাভাইৰাছ? কি সাৱধানবাণী বিশ্ব স্বাস্থ্য সংস্থাৰ
বিশ্ব স্বাস্থ্য সংস্থাৰ জৰুৰীকালীন শাখাৰ সঞ্চালক মাইক ৰিয়ানে কৰ’নাভাইৰাছৰ অৱসান সম্পৰ্কে ভৱিষ্যতবাণী কৰাক লৈ এক সাৱধানবাণী শুনাইছে। কোনেও এই ৰোগৰ কেতিয়া অৱসান…
কেন্দ্ৰীয় চৰকাৰৰ সিদ্ধান্ত: গৰ্ভৱতী মহিলায়ো ল’ব পাৰিব কোভিড ভেকচিন
দেশজুৰি কোভিডৰ মহাতংক চলি থকাৰ মাজতে কেন্দ্ৰীয় চৰকাৰে আজি এক গুৰুত্বপূৰ্ণ সিদ্ধান্ত গ্ৰহণ কৰে। সেইমৰ্মে দেশত এতিয়াৰে পৰা গৰ্ভৱতী মহিলায়ো ল’ব পাৰিব…
গুৱাহাটীত তাপমাত্ৰা ৩৭ লৈ যোৱাৰ সম্ভাৱনা : চাওঁক গৰমত ল’বলগীয়া কেইটামান বিশেষ যতন
গ্ৰীষ্মৰ দহনে ক্ৰমে গুৱাহাটী মহানগৰবাসীক স্পৰ্শ কৰাৰ সময়তে বতৰৰ তাপমাত্ৰাও ক্ৰমাৎ বৃদ্ধি পাবলৈ লৈছে। এইবাৰ সোনকালেই তাপমাত্ৰা ৩৭ ডিগ্ৰীলৈ উঠাৰ সম্ভাৱনা দেখা…