এজাহাৰ আৰু বিতৰ্কৰ পিছত ক্ষমা বিচাৰিলে হজৰত মহম্মদৰ বিষয়ে কটূক্তিৰে ফে’চবুক পোষ্ট দিয়া মোজাহিদুল ইছলামে
হজৰত মহম্মদৰ চৰিত্ৰৰ বিষয়ে ফে’চবুকত পোষ্ট দি বিতৰ্কৰ সন্মুখীন হোৱা খাৰুপেটীয়াৰ মোজাহিদুল ইছলাম ওৰফে Muzahidul Eros নামৰ যুৱকজনে অৱশেষত ক্ষমা খুজিছে সকলোৰে ওচৰত।
“মই অলপতে নবী মহম্মদৰ ওপৰত যি অসন্মানসূচক পোষ্ট কৰি ইছলাম ধৰ্মীয় ৰাইজৰ অনুভূতিত যি আঘাত দিছো তাৰ বাবে দুখিত”, নিজৰ টাইমলাইনত অন্য এটা পোষ্টত অনুতপ্ত মোজাহিদুলে কয়।
জানিব পৰা মতে, পূৰ্বৰ বিতৰ্কিত পোষ্টটোৰ পিছতে মোজাহিদুলৰ বিৰুদ্ধে খাৰুপেটীয়া থানাত এখন এজাহাৰো দাখিল কৰিছে ইত্তেহাদ ফ্ৰণ্ট, অসম নামৰ সংগঠন এটাৰ ৰাজ্যিক সাধাৰণ সম্পাদক নূৰ ইছলামে। এজাহাৰৰ ভিত্তিত ১৬১/১৯ নম্বৰত এটা গোচৰ ৰুজু হৈছে থানাখনত।
মোজাহিদুলৰ ঘৰ দৰং জিলাৰ খাৰুপেটীয়া থানাৰ অন্তৰ্গত ২নং কুঁৱৰী পুখুৰী গাঁৱত। দেউতাকৰ নাম ওমৰ আলী।
ফেচবুকত নিজৰ সংক্ষিপ্ত পৰিচয়ত “Myself an Atheist, believe in work, belongs to Humanity….” বুলি লিখা যুৱকজনে বিতৰ্কৰ পিছতে ২২ এপ্ৰিলত দিয়া শেহতীয়া পোষ্টটোত কয়, “দয়া কৰি কোনেও যাতে মোৰ ঘৰত আহি অশান্তিৰ সৃষ্টি নকৰে, এয়াই আপুনাসৱলৈ বিনম্ৰ অনুৰোধ”।
ইছলামধৰ্মী বহুতো লোকৰ ক্ৰোধৰ উদগিৰণ ঘটোৱা পোষ্টটোত মোজাহিদুলে ইছলাম ধৰ্মৰ প্ৰৱৰ্তক হজৰত মহম্মদৰ চৰিত্ৰৰ কিছুমান দিশৰ উল্লেখ কৰি কটূক্তি কৰিছিল। ইছলাম ধৰ্ম ত্যাগ কৰি মানৱ ধৰ্ম লোৱা বুলি ঘোষণা কৰা মোজাহিদুল মহম্মদৰ সমালোচনাত সততে সৰৱ হৈছিল।
ফেইচবুকত বহুতে তেওঁক ওলোটাই আক্ৰমণ কৰিছিল, যিসকলক মোজাহিদুলে “মহম্মদৰ লুচ্চা বাহিনী”ৰ দৰে শব্দ ব্যৱহাৰ কৰি প্ৰত্যুত্তৰ দিছিল।
নিজৰ নামটো আৰবী ভাষাৰ বুলি সোঁৱৰাই দিয়া এজক মোজাহিদুলৰ উত্তৰ আছিল, “আৰবী ভাষা মহম্মদৰ বাপেকে সৃষ্টি কৰিছে নেকি? … ইহুদিহঁতক সুধিব আৰবী জানে নে নাই?”
যোৱা দুদিনত এজাহাৰ ৰুজু আৰু অন্যান্য হাৰাশাস্তিৰ সন্মুখীন হোৱাৰ পিছত অৱশেষত মোজাহিদুলে ক্ষমা খোজাৰ সিদ্ধান্ত লয়।
মোজাহিদুলৰ দেউতাকেও মোজাহিদুলৰ ক্ষমা প্ৰাৰ্থনা পোষ্টটোৰ কমেণ্টত নিজকে দেউতাক বুলি পৰিচয় দি তেওঁৰ পুতেকক ক্ষমা কৰি দিবলৈ আহ্বান জনায়।
You may also like
মাওবাদী নিৰ্মূলৰ বাবে কেন্দ্ৰৰ তৎপৰতা: ২০২৬ৰ ভিতৰত মাওবাদীমুক্ত হ’ব দেশ অমিত শ্বাহৰ দাবী
বিগত দহ বছৰত কেন্দ্ৰীয় গৃহ মন্ত্ৰণালয়ে দেশৰ পৰা মাওবাদী নিৰ্মূল কৰিবলৈ ধাৰাবাহিক পদক্ষেপ হাতত লৈছে। কেন্দ্ৰীয় গৃহমন্ত্ৰী অমিত শ্বাহে উল্লেখ কৰিছে যে…
বিশ্বনাথত ব্ৰহ্মপুত্ৰৰ বুকুত উদ্ধাৰ এটা বেগ, আধাৰ কাৰ্ডত ৰূপৰেখা বৰাৰ নাম
বিশ্বনাথৰ ছোৱাগুৰীত উদ্ধাৰ হৈছে এটা বেগ । ছোৱাগুৰী ১ নং মাথাউৰিত নুৰ মহম্মদ আৰু ছাহজাহান আলিৰ তৎপৰতাত ব্ৰহ্মপুত্ৰ বুকুৰ পৰা এটা নথি…
নেপালৰ প্ৰধানমন্ত্ৰী শ্বেৰ বাহাদুৰ দেউবাক সাক্ষাৎ কৰিলে ভাৰতীয় ৰাষ্ট্ৰদূতে
নেপালত থকা ভাৰতীয় ৰাষ্টদূত মনজিভ সিং পুৰীয়ে শুকুৰবাৰে নেপালৰ প্ৰধানমন্ত্ৰী শ্বেৰ বাহাদুৰ দেউবাক সাক্ষাৎ কৰে। কাঠমাণ্ডূ প’ষ্ট কাকতত এই খৱৰ প্ৰকাশ পাইছে।…
১৫৪ নং ৰাষ্ট্ৰীয় ঘাইপথ মেৰামতিৰ দাবীত উপায়ুক্তক স্মাৰকপত্ৰ দক্ষিণ হাইলাকান্দিৰ বেচৰকাৰী সংস্থাৰ
পথৰ দুৰৱস্থাৰ বাবে দক্ষিণ হাইলাকান্দিৰ মাধৱপুৰ অঞ্চলত বিগত তিনি মাহত সংঘটিত হৈছে চাৰিটাকৈ ভয়ংকৰ পথ দুৰ্ঘটনা। জহি খহি যোৱা পথৰ বাবেই অঞ্চলটোত…