মুখ্য ন্যায়াধীশ গগৈৰ বিৰুদ্ধে অভিযোগ দিয়া মহিলাৰ জামিন নাকচৰ আবেদনৰ শুনানি স্থগিত
দেশৰ মুখ্য ন্যায়াধীশ ৰঞ্জন গগৈৰ বিৰুদ্ধে অভিযোগ কৰা মহিলাগৰাকীৰ জামিন নাকচ কৰিবলৈ জনোৱা এক আবেদনৰ শুনানি বুধবাৰে স্থগিত ৰাখিছে দিল্লীৰ এখন ন্যায়ালয়ে।
ঘোচ লোৱা আৰু ঠগবাজিৰ এক গোচৰত জামিনত থকা মহিলাগৰাকীৰ বিৰুদ্ধে জামিন নাকচৰ আবেদনখন কৰিছিল দিল্লী আৰক্ষীয়ে।
উচ্চতম ন্যায়ালয়ৰ প্ৰাক্তন কৰ্মচাৰী মহিলাগৰাকীৰ বিৰুদ্ধে অভিযোগ দিয়া নবীন কুমাৰ নামৰ লোকজনলৈকে আৰক্ষীয়ে আবেদনৰ প্ৰতিলিপি প্ৰেৰণ নকৰাৰ বাবে মুখ্য মে’ত্ৰপলিতান ন্যায়াধীশ মনিশ কুমাৰে দিল্লী আৰক্ষীৰ আবেদনৰ শুনানি স্থগিত ৰাখে।
২৩ মে’ৰ পিছতহে আদালতখনে দিল্লী আৰক্ষীৰ আবেদনৰ শুনানি গ্ৰহণ কৰিব।
দিল্লী আৰক্ষীয়ে পূৰ্বে গোচৰটোত গ্ৰেপ্তাৰ কৰা মহিলাগৰাকী যোৱা ১২ মাৰ্চৰ পৰা জামিনত আছে।
মহিলাগৰাকীৰ বিৰুদ্ধে যোৱা ৩ মাৰ্চত নবীন কুমাৰ নামৰ ব্যক্তিজনে এজাহাৰ দাখিল কৰিছিল। দিল্লী আৰক্ষীৰ অপৰাধ অনুসন্ধান শাখাই গোচৰটোৰ তদন্ত কৰি আছিল।
আনহাতে দিল্লী আৰক্ষীৰ জিম্মাত থকা মহিলাগৰাকীৰ ম’বাইল ফ’ন আৰু কম্পিউটাৰ চি পি ইউটো মোকলাই দিয়াৰ বাবে মহিলাগৰাকীৰ অধিবক্তা ৱি কে অ’ৰিয়ে জনোৱা আবেদনো আদালতখনে নাকচ কৰিছে।
You may also like
‘আপোনাৰ ওপৰত ভৰসা নাই’, নিৰ্বাচনৰ পূৰ্বে কেজৰিৱাললৈ চিঠি লিখি দল ত্যাগ কৰিলে ৭ বিধায়কে
দিল্লী বিধানসভা নিৰ্বাচনলৈ মাজত মাত্ৰ ৫ দিন। তাৰ আগতে ডাঙৰ বিপৰ্যয়ৰ সন্মুখীন হ’ল অৰবিন্দ কেজৰিৱাল। ৭ জন বিধায়কে ত্যাগ কৰিলে আম আদমী…
বাওঁ-গণতান্ত্ৰিক শিবিৰৰ নিষ্ঠাৱান কৰ্মী, এল ডি পি নেত্ৰী জিণ্টী গগৈৰ অকাল, আকস্মিক বিয়োগ
অসমৰ সমাজ আৰু ৰাজনৈতিক জীৱনৰ এগৰাকী আগশাৰীৰ নেত্ৰী, ৰাজ্যৰ বাওঁপন্থী চিন্তাধাৰাক আগুৱাই নিয়াৰ বাবে দীৰ্ঘদিনে অক্লান্ত প্ৰয়াস কৰি যোৱা, লিবাৰেল ডে’মক্ৰেটিক পাৰ্টিৰ…
পৰম্পৰাগত সংস্কৃতি আৰু বিশ্বাসক সংৰক্ষণ কৰাৰ পদক্ষেপ গ্ৰহণ মুখ্য মন্ত্ৰী খাণ্ডুৰ
মুখ্য মন্ত্ৰী পেমা খাণ্ডুৰ নেতৃত্বত অৰুণাচল চৰকাৰে বিশ্বায়নৰ ধামখুমিয়াত হেৰাই যাবলৈ উপক্ৰম হোৱা পৰম্পৰাগত সংস্কৃতি আৰু বিশ্বাসক সংৰক্ষণ কৰা আৰু ইয়াক আগুৱাই…
চৰকাৰে সকলো আঞ্চলিক ভাষাৰ চলচ্চিত্ৰ ক্ষেত্ৰক উৎসাহ দিব পৰাকৈ প্ৰস্তুত কৰিব চলচ্চিত্ৰ নীতি : নৱ দলে
”ৰাজ্যৰ সকলো জাতি-জনগোষ্ঠীৰ স্বাৰ্থক সামৰি মুখ্য মন্ত্ৰী সৰ্বানন্দ সোণোৱালে এখন সুস্থ চলচ্চিত্ৰ নীতি প্ৰস্তুত কৰি আছে। এই নীতিত ছবি পৰিৱেশনৰ নিয়ম-প্ৰণালী আঞ্চলিক…