অসম চৰকাৰৰ নিৰ্দেশ ওফৰাই কেবৰ বিৰুদ্ধে শিৱসাগৰত ছাত্ৰ সমাজৰ বজ্ৰনাদ

কেন্দ্ৰই জাপি দিব খোজা নাগৰিকত্ব সংশোধনী বিধেয়কৰ বিৰুদ্ধে সমগ্ৰ ৰাজ্যত এতিয়া প্ৰতিবাদৰ জোৱাৰ উঠিছে। এই প্ৰতিবাদত এক শক্তিশালী ভুমিকা লৈছে অসমৰ ছাত্ৰ সমাজে।

ইয়াৰ মাজতে অসম চৰকাৰৰ ফালৰ পৰা শুকুৰবাৰে চৰকাৰী বিদ্যালয়ৰ ছাত্ৰ-ছাত্ৰীয়ে কেব বিৰুদ্ধী প্ৰতিবাদত অংশ ল’ব নোৱাৰিব বুলি নিৰ্দেশ জাৰি কৰা হয়।

কিন্তু চৰকাৰৰ উক্ত নিৰ্দেশে বান্ধি ৰাখিব পৰা নাই ছাত্ৰ সমাজৰ প্ৰদিবাদী কণ্ঠ। কেবৰ বিৰুদ্ধে শিৱসাগৰ নগৰৰ ৰাজপথত আজি ওলাই আহে কেইবাখনো বিদ্যালয়, মহাবিদ্যালয়ৰ ছাত্ৰ-ছাত্ৰী।

চহৰৰ বৰ্ডিং খেলপথাৰৰ পৰা আৰম্ভ হোৱা ছাত্ৰ-ছাত্ৰীসকলৰ বৃহৎ প্ৰতিবাদী সমদলে সমগ্ৰ নগৰ পৰিভ্ৰমণ কৰি শিৱসাগৰ জিলা উপায়ুক্ত কাৰ্য্যালয়ৰ সন্মুখত ধৰ্ণা কাৰ্যসূচী ৰূপায়ন কৰে।

প্ৰতিবাদকাৰীসকলে কোনো কাৰণতে অসমত হিন্দু বাংলাদেশী সংস্থাপন কৰিবলৈ দিয়া নহ’ব বুলি ঘোষনা কৰি বিজেপি, আৰ এছ এছৰ এজেণ্ডা ওফৰাই দিবলৈ অসমৰ ৰাইজক আহ্বান জনায়।

‘কেব আমি নামানো,  ছাত্ৰ সমাজ জাগিছে,  বিজেপি লেই লেই,  অগপ গ’ বেক, অসম চৰকাৰ হায় হায়’ আদি শ্ল’গানেৰে উত্তাল হৈ উঠে শিৱসাগৰ নগৰৰ আকাশ-বতাহ।