পথ দুৰ্ঘটনাত কাজিৰঙাৰ দিৰিঙত চিত্ৰশিল্পী প্ৰবীণ বৰাৰ মৃত্যু

বোকাখাতৰ দিৰিং চাৰিআলিত যোৱা নিশা সংঘটিত এক শোকাবহ পথ দুৰ্ঘটনাত প্ৰবীণ বৰা ওৰফে প্ৰীতি নামৰ এজন শিল্পীৰ মৃত্যু হয়।

দিৰিং চাৰি আলিত নিশা ৩৭ নং ৰাষ্ট্ৰীয় পথেৰে যোৱা কোনো গাড়ীয়ে খুন্দিয়াই নিহত কৰে বুলি সন্দেহ প্ৰকাশ কৰিছে। নিশা সান্ধ্য আইন বলবৎ হৈ থকাৰ বাবে প্ৰবীন বৰাৰ মৃত্যুৰ খবৰ কোনেও লাভ কৰা নাছিল।

কিন্তু ৰাতিপুৱা স্থানীয় লোকে প্ৰবীণ বৰাৰ মৃতদেহ পথৰ ওপৰত চিন্ন ভিন্ন হৈ চিটিকি পৰি থকা অৱস্থাত প্ৰত্যক্ষ কৰে। পোছাকৰ পৰাহে স্থানীয় লোকে শিল্পীগৰাকীৰ মৃতদেহ চিনাক্ত কৰে।

উল্লেখ্য যে প্ৰবীণ বৰা বোকাখাতৰ এজন জনপ্ৰিয় চিত্ৰশিল্পী আছিল। সৰবৰাহী এই যুৱকজনে নেগেৰা, ঢোল-খোল আদি বাদ্যতো পাৰ্গত আছিল।

মৃত প্ৰবীণ বৰাৰ ঘৰ ২ নং কহঁৰাত বুলি জানিব পৰা গৈছিল। শোকাবহ এই পথ দুৰ্ঘটনাত জনপ্ৰিয় শিল্পীজনৰ মৃত্যুত আজি সমগ্ৰ বোকাখাততে শোকৰ ছাঁ পৰিছে।