নাগৰিকত্ব (সংশোধনী) আইনৰ বিৰোধিতা বলিউদৰ জনপ্ৰিয় অভিনেত্ৰী ৰাধিকা আপ্তেৰ

অসম আৰু উত্তৰ-পূবকে ধৰি সমগ্ৰ দেশত নাগৰিকত্ব(সংশোধনী)আইনৰ বিৰুদ্ধে চলি থকা তীব্ৰ প্ৰতিবাদৰ প্ৰতি নিজৰ সমৰ্থন আগবঢ়াইছে বলিউদৰ জনপ্ৰিয় অভিনেত্ৰী ৰাধিকা আপ্তে।

নাগৰিকত্ব (সংশোধনী)আইনৰ বিৰোধিতাৰে ৰাধিকা আপ্তে নিজৰ ইনষ্টাগ্ৰামত এটা পোষ্ট কৰে।

‘‘নাগৰিকত্ব (সংশোধনী) আইনে সমগ্ৰ দেশত সমস্যাৰ সৃষ্টি কৰাৰ উপৰিও ই দেশৰ আত্মাৰ বাবে বিপদ সংকুল’’, ৰাধিকা আপ্তে ইনষ্টাগ্ৰামত লিখে।

ৰাধিকা আপ্তেৰ উপৰিও বলিউদৰ বিভিন্ন অভিনেতা-অভিনেত্ৰীয়ে নাগৰিকত্ব (সংশোধনী) আইনৰ বিৰুদ্ধে নিজৰ মত প্ৰকাশ কৰিছে।

উল্লেখযোগ্য যে, নাগৰিকত্ব (সংশোধনী) আইনৰ বিৰুদ্ধে সমগ্ৰ অসমত প্ৰৱল প্ৰতিবাদ অব্যাহত আছে।

প্ৰশাসনে অসমৰ বিভিন্ন জিলাত সান্ধ্য আইনো জাৰি কৰিবলগীয়া পৰিস্থিতিৰ উদ্ভৱ হৈছিল তাৰোপৰি মোবাইল ইণ্টাৰনেট সেৱা ৰাজ্যখনত সম্পূৰ্ণৰূপে বন্ধ কৰি থোৱা হৈছে।

আনহাতে, আজি উচ্চতম ন্যায়ালয়ে বিভিন্ন পক্ষৰ পৰা নাগৰিকত্ব (সংশোধনী) আইনৰ বিৰোধিতাৰ শুনানি গ্ৰহণ কৰে।

বিভিন্ন পক্ষৰ পৰা আইনখনৰ বিৰোধিতাৰ শুনানি গ্ৰহণ কৰাৰ পাছত উচ্চতম ন্যায়ালয়ে কেন্দ্ৰ চৰকাৰক আইনখনৰ সমৰ্থনত কাৰণ দৰ্শোৱাৰ জাননী জাৰি কৰিছে।

অহা ২২ জানুৱাৰিত উচ্চতম ন্যায়ালয়ত পুনৰ ইয়াৰ ওপৰত শুনানি গ্ৰহণ হ’ব।