অ’নাৰ কিলিং: আৰক্ষীয়ে গ্ৰেপ্তাৰ কৰিলে ৩জন লোকক

দক্ষিণ ত্ৰিপুৰা জিলাত সংঘটিত হোৱা এক অ’নাৰ কিলিঙৰ ঘটনাই সমগ্ৰ ত্ৰিপুৰাজুৰি চাঞ্চল্যৰ সৃষ্টি কৰিছে।

তিনিদিন পূৰ্বে দক্ষিণ ত্ৰিপুৰা জিলাৰ অন্তৰ্গত ৰাজনগৰৰ জংঘলত এগৰাকী কিশোৰীৰ মৃতদেহ উদ্ধৰ হৈছিল।

আৰক্ষীৰ প্ৰাথমিক অনুসন্ধানৰ পাছত পোহৰলৈ আহে যে ছোৱালীগৰাকীৰ পৰিয়ালৰ সদস্যসকলে তাইক হত্যা কৰি মৃতদেহত জংঘলত পুতি থৈছিল।

ঘটনাৰ বলি ললিতা মুণ্ডা (নাম সলনি কৰা হৈছে) ৰ বয়স আছিল ১৬ বছৰ।

উদইপুৰ জিলাৰ মুৰা পাৰাৰ বাসিন্দা ছোৱালী গৰাকী গৰ্ভৱতী আছিল বুলি আৰক্ষীয়ে জানিবলৈ দিয়ে।

তাইৰ ভায়েক আৰু আন আত্মীয়ই কিশোৰীগৰাকী গৰ্ভৱতী বুলি গম পোৱাৰ পাছত তাইক ৰাজনগৰলৈ পঠিয়াই দিছিল।

আৰক্ষীয়ে কয়,’’কিশোৰীগৰাকীৰ ভাতৃ লিটন মুণ্ডাই তাইক ৰাজনগৰত থকা তেওঁৰ শহুৰেকৰ ঘৰত থৈছিল য’ত তেওঁলোকে অভিযোগ অনুসৰি তাইক হত্যা কৰিছিল। হত্যা কৰাৰ পাছত তেওঁলোকে ৰাজনগৰৰ এখন জংঘলত তাইক পুতি থৈছিল।

তিনিদিন পূৰ্বে গাঁৱবাসীয়ে জংঘলত মৃতদেহটো প্ৰত্যক্ষ কৰিছিল। মৃতদেহটো আধা পুতি থোৱা অৱস্থাত আছিল।

তেওঁলোকে লগে লগেই ঘটনাটো সন্দৰ্ভত আৰক্ষীক খবৰ দিয়ে।

আৰক্ষীয়ে কিশোৰীগৰাকীৰ ভাতৃ লিটন মুণ্ডা, তেওঁৰ শহুৰেক পৰিমল মুণ্ডা আৰু লিটনৰ পত্নী মনি মুণ্ডা, এই তিনিজনক গ্ৰেপ্তাৰ কৰে।

মৃতদেহটো উদ্ধাৰ কৰাৰ পাছত অভিযুক্ত কেইজন সেই ঠাইৰ পৰা পলাইছিল।

কিন্তু আৰক্ষীয়ে তেওঁলোক গ্ৰেপ্তাৰ কৰিবলৈ সক্ষম হয় আৰু শুকুৰবাৰে আদালতত হাজিৰ কৰায়।

আৰক্ষীয়ে কয়,’’কিশোৰীগৰাকী গৰ্ভৱতী আছিল যদিও বিবাহিতা নাছিল। সেয়েহ, তাইৰ ভায়েক আৰু পৰিয়ালৰ আন সদস্যই তাইক হত্যা কৰিছিল।‘’