নাট্যকাৰ, পৰিচালক সপোনজ্যোতি ঠাকুৰলৈ আছুৰ স্বভাৱ শিল্পী অমূল্য কাকতী বঁটা

নাট্যকাৰ, পৰিচালক সপোনজ্যোতি ঠাকুৰলৈ ২০১৮ চনৰ স্বভাৱ শিল্পী অমূল্য কাকতী বঁটা আগবঢ়োৱা হৈছে।

অসমৰ সাংস্কৃতিক ঐতিহ্যৰ প্ৰসাৰ আৰু সংৰক্ষণৰ বাবে দেৰগাঁৱৰ এই শিল্পীগৰাকীয়ে আগবঢ়োৱা বিশিষ্ট বৰঙনিৰ বাবে এই বঁটা আগবঢ়োৱা হৈছে।

সদৌ অসম ছাত্ৰ সন্থাৰ ছাত্ৰ-শিল্পী-সাহিত্যিক কল্যাণ ন্যাসে প্ৰখ্যাত অভিনেতা, চিনে’মা পৰিচালক, প্ৰযোজক, চিত্ৰনাট্যকাৰ আৰু নাট্যকাৰ অমূল্য কাকতীৰ কৰ্মৰ ধাৰা সজীৱ কৰি ৰখাৰ বাবে এই বঁটা প্ৰদান কৰি আহিছে।

প্ৰখ্যাত ভাস্কৰ বীৰেন সিংহই প্ৰস্তুত কৰা এটা স্মাৰক, এখন গামোচা, এখন চেলেং চাদৰ আৰু এটা এৰী চোলাৰ লগতে নগদ ২৫ হাজাৰ টকা বঁটাপ্ৰাপক ঠাকুৰলৈ আগবঢ়োৱা হয়। প্ৰখ্যাত অসমীয়া অভিনেতা মিৰেল কুদ্দুচে ঠাকুৰক এই বঁটা প্ৰদান কৰে।

বঁটাগ্ৰহণ কৰি ঠাকুৰে কয় যে তেওঁৰ কৰ্মৰাজি সাধাৰণ মানুহৰ উন্নতিৰ বাবে উৎসৰ্গিত।

অপেছাদাৰী নাটকৰ আন্দোলনটো ৰাজ্যৰ চুকে-কোণে বিয়পাই নিয়াৰ ক্ষেত্ৰত ঠাকুৰৰ বিশেষ অৰিহণা আছে। তেওঁ আৰম্ভ ‘চোতালৰ নাট’ নামৰ নাট পৰিৱেশনৰ অনন্য উদ্যোগটোৱে বিভিন্ন নাট শৈলীক সাৰ্বজনীন ৰূপ দিয়াত সহায় কৰিছিল।

আকাশবাণীৰ ডিব্ৰুগড়, গুৱাহাটী আৰু যোৰহাট কেন্দ্ৰৰ যোগেদি তেওঁৰ ৩০ খনতকৈও অধিক নাট সম্প্ৰচাৰিত হৈ আহিছে।

গুৱাহাটীৰ বিবেকানন্দ কেন্দ্ৰত ৯ ফেব্ৰুৱাৰিত এই বঁটা বিতৰণী অনুষ্ঠান আয়োজিত হৈছিল।