বিদ্ৰোহী কেডাৰৰ মৃত্যুক লৈ মণিপুৰত ক্ষুব্ধ জনতাৰ আৰক্ষী থানা আক্ৰমণ

এগৰাকী কুকি ৰিভ’লুশ্যনাৰী আৰ্মি (KRA)ৰ কেডাৰ আৰক্ষীৰ জিম্মাত নিহত হোৱাক কেন্দ্ৰ কৰি মঙলবাৰে মণিপুৰৰ কাংপকপি জিলাৰ এখন আৰক্ষী থানাত উন্মত্ত ৰাইজে আক্ৰমণ চলায়।

এক সূত্ৰৰ পৰা জানিব পৰা মতে যোৱা শনিবাৰে আছাম ৰাইফলছে থাংবই লৌভুম নামৰ এগৰাকী KRA কেডাৰক গ্ৰেপ্তাৰ কৰি পিছত কাংপকপি আৰক্ষীক গতাই দিছিল।

‘কিন্তু মঙলবাৰে থাংবইক থানাৰ লকআপৰ ভিতৰত মৃত অৱস্থাত উদ্ধাৰ কৰা হয়।‘ সূত্ৰটোৱে জনায়।

উক্ত খবৰ বিয়পি পৰাৰ লগে লগে অঞ্চলটোৰ ক্ষুব্ধ ৰাইজ আৰক্ষী থানা ঘেৰাও কৰাৰ লগতে থানাখনত আক্ৰমণ কৰে।

আক্ৰমণৰ ঘটনাৰ পিছতে সমগ্ৰ অঞ্চলটোত সুৰক্ষা ব্যৱস্থা কটকটীয়া কৰি তোলা হয়।

আনহাতে ক্ষুব্ধ ৰাইজে সমগ্ৰ ঘটনাটোৰ এক উচ্চ পৰ্য্যায়ৰ তদন্ত দাবী কৰি ইম্ফল-ডিমাপুৰ পথ অৱ্ৰোযধ কৰি ৰাখে।