সাৱধান, গাখীৰ খালে আপুনিও ভুগিব পাৰে ব্ৰেষ্ট কেঞ্চাৰ ৰোগত!

গাখীৰ খালে মহিলাই ভুগিব পাৰে ব্ৰেষ্ট কেঞ্চাৰত।

আমেৰিকাৰ এদল গৱেষকে এই কথা দাবী কৰিছে। আমেৰিকা যুক্তৰাষ্ট্ৰৰ লোমা লিণ্ডা বিশ্ববিদ্যালয়ৰ এদল গৱেষকৰ গৱেষণাত এই কথা পোহৰলৈ আহিছে।

গৱেষক দলটোৱে কৈছে যে ‘গাখীৰ খালে মহিলাই ব্ৰেষ্ট কেঞ্চাৰত ভোগাৰ শক্তিশালী প্ৰমাণ গৱেষণাত বিচাৰি পোৱা গৈছে।’ ইন্টাৰনেশ্যনেল জাৰ্ণেল অৱ এপডেমিঅ’ল’জি’ নামৰ গৱেষণা পত্ৰখনত প্ৰকাশিত গৱেষণা কৰ্মত গৱেষকদলে দাবী কৰিছে যে গাখীৰ খালে মহিলাসকলৰ ব্ৰেষ্ট কেঞ্চাৰ হোৱাৰ আশংকা ৮০ শতাংশলৈ বৃদ্ধি পাব পাৰে।

‘দৈনিক এটা কাপৰ এক চতুৰ্থাংশ বা একতৃতীয়াংশ পৰিমাণৰ গাখীৰ খালে ব্ৰেষ্ট কেঞ্চাৰ হোৱাৰ আশংকা ৩০ শতাংশ বাঢ়ে।’ লোমা লিণ্ডা বিশ্ববিদ্যালয়ৰ ক’-এথৰ ই. ফ্ৰেচাৰে এইদৰে কয়। ‘দৈনিক একাপকৈ গাখীৰ খালে ৫০ শতাংশলৈ আৰু দৈনিক দুকাপ খালে ৭০ শতাংশলৈ এই সম্ভাৱনা বৃদ্ধি পায়।’ ফ্ৰেচাৰে কয়।

এই গৱেষণাৰ বাবে উত্তৰ আমেৰিকাৰ প্ৰায় ৫৩,০০০ হাজাৰ মহিলাৰ ওপৰত অধ্যয়ন কৰা হৈছিল। ইয়াৰে একাংশ আছিল কেঞ্চাৰমুক্ত আৰি আন একাংশ ৮ বছৰৰ পৰা কেঞ্চাৰত আক্ৰান্ত মহিলা আছিল। অধ্যয়ন কালত মহিলাসকলৰ পৰিয়ালৰ জনগাঁথনি, পৰিয়ালত কোনো ব্ৰেষ্ট কেঞ্চাৰ ৰোগী আছেনে, শাৰীৰিক কৰ্ম, মাদ্যক দ্ৰব্য পান, হ’ৰমন সংক্ৰান্ত্ৰীয়, হ’ৰমন আৰু ঔষধ প্ৰয়োগ সম্বন্ধীয়, ব্ৰেষ্ট কেঞ্চাৰৰ স্ক্ৰীণিং, গাইন’ল’জিকেল সমস্যা আদিৰ বিষয়ে অধ্যয়ন কৰা হৈছিল।

এই অধ্যয়নৰ অন্তত ১,০৫৭ গৰাকী নতুন ব্ৰেষ্ট কেঞ্চাৰ ৰোগী চিনাক্ত হৈছিল আৰু গৱেষক দলটোৱে গাখীৰ খোৱাৰ বাবেই এইসকল মহিলাই ব্ৰেষ্ট কেঞ্চাৰত আক্ৰান্ত হোৱা বুলি ব্যক্ত কৰিছে।

‘গাখীৰৰ কিছুমান ধনাত্মক নিউট্ৰিশ্যনেল গুণ আছে, সন্তুলিত পৰিমাণে ইয়াক গ্ৰহণ কৰিলেহে ইয়াৰ পৰা উপকাৰ পাব পাৰি। এই অধ্যয়নে আৰু অধিক গেৱষণাৰ দাবী কৰে।’ ফ্ৰেচাৰে এইদৰে কয়।