গোৱালাপাৰৰ কৃষ্ণাইত ট্ৰেক্টৰ আৰু ডাম্পাৰৰ দৌৰাত্ম্য; আৰক্ষীৰ বিৰুদ্ধে ব্যৱস্থা গ্ৰহণ নকৰাৰ অভিযোগ

গোৱালপাৰা জিলাৰ কৃষ্ণাইৰ ৩৭ নং ৰাষ্ট্ৰীয় ঘাইপথৰ লগতে অঞ্চলটোৰ বেছি সংখ্যক পথতে  সম্প্ৰতি দিনে-নিশাই ট্ৰেক্টৰ আৰু ডাম্পাৰৰত দৌৰাত্ম্যই পথচাৰীৰ ত্ৰাহিমধুসূদন দেখুৱাইছে।

যানবাহন আইন অমান্য কৰি ৰাষ্ট্ৰীয় ঘাইপথৰ লগতে সকলো সৰু-বৰ পথত চলি থকা এই ট্ৰেক্টৰ আৰু ডাম্পাৰ সমুহক নাকি লগোৱাত কৃষ্ণাই আৰক্ষী ব্যৰ্থ হৈছে ৷

বিশেষকৈ দিনৰ ভাগত শিল-বালি তথা চেইন্ট গ্ৰেভেল কঢ়িওৱা বাহন সমুহে কৃষ্ণাই বজাৰৰ লগতে অঞ্চলটোৰ পৰিবেশ বিনষ্ট কৰিছে আনহাতে ৰাতিপুৱা শিল-বালি,চেইন্ট গ্ৰেভেল আৰু মাটি কঢ়িওৱা এই বাহন সমূহে সৃষ্টি কৰা যানযঁটৰ ফলত সাধাৰণ লোকৰ লগতে ছাত্ৰ-ছাত্ৰী সকলেও জীয়াতু ভোগ কৰিব লগা হৈছে।

আটাইতকৈ ডাঙৰ কথাটো হ’ল এই বাহন সমূহৰ ভিতৰত অধিকাংশ বাহনৰে কোনোধৰণৰ নথি-পত্ৰ নাই।

অভিযোগ অনুসৰি, এই সন্দৰ্ভত স্থানীয় লোকে বহুবাৰ অভিযোগ কৰাৰ পাছতো কৃষ্ণাই আৰক্ষীয়ে আজিলৈকে কোনো কাৰ্য্যকাৰী ব্যৱস্থা গ্ৰহণ কৰা নাই।