মৰাণৰ নাহৰকটীয়া ৰ’ডত তীব্ৰবেগী বাছে মহটিয়ালে ৫ বছৰীয়া শিশু

মৰাণৰ নাহৰকটীয়া ৰ’ডত এজন ৫ বছৰীয়া শিশুক এখন তীব্ৰবেগী বাছে মহটিয়াই নিয়াৰ ফলত শিশুটোৰ ঘটনাস্থলীতে মৃত্যু ঘটে।

নাহৰকটীয়াত তীব্ৰবেগী যান-বাহনে সাধাৰণ পথাচাৰী তথা স্থানীয় বাসিন্দাৰ জীৱন বিপদাপন্ন কৰি তুলিছে।

আজি তীব্ৰবেগী বাছৰ চকাৰ তলত প্ৰাণ দিয়া ল’ৰাটোৰ নাম হৈছে অপিন প্ৰসাদৰ পুত্ৰ আশীষ প্ৰসাদ।

মৰাণৰ নাহৰকটীয়া ৰ’ডৰ মৰাণ জাতীয় বিদ্যালয় আৰু খনিকৰ বিদ্যালয়ৰ মাজৰ ঠাইখিনি দুৰ্ঘটনা-প্ৰৱণ এলেকা হৈ পৰিছে।

স্থানীয় বাসিন্দাসকলে অতি দুৰ্ঘটনাপ্ৰৱণ নাহৰকটীয়া ৰ’ডৰ মৰাণ জাতীয় বিদ্যালয় আৰু খনিকৰ বিদ্যালয়ৰ মাজৰ এই ঠাইখিনিত গতিৰোধক দিয়াৰ বাবে মহকুমাধিপতি গৰাকীক অনুৰোধ জনাইছিল যদিও মহকুমাধিপতিগৰাকীয়ে সেয়া অস্বীকাৰ কৰিছিল। কিন্তু শেহতীয়া দুৰ্ঘটনাটোৰ পাছত ২৪ ঘণ্টাৰ ভিতৰতে উক্ত পথচোৱাত গতিৰোধক দিয়াৰ প্ৰতিশ্ৰুতি প্ৰদান কৰিছে মহকুমাধিপতিয়ে।

ইতিমধ্যে দুৰ্ঘটনা সংঘটিত কৰা চালকজনক গ্ৰেপ্তাৰ কৰাৰ লগতে  AS-06-F-8607  নম্বৰত পঞ্জীয়ণভুক্ত বাছখন  ৰাজগড় আৰক্ষী থানাই জব্দ কৰিছে।