কা’ আন্দোলনৰ পঞ্চ ছহিদক স্মৰণ কৰি শিৱসাগৰত আছুৰ গণ হুংকাৰ কাৰ্যসূচী

শিৱসাগৰত আজি কা’ৰ বিৰুদ্ধে আছুৱে গণ হুংকাৰ কাৰ্যসূচী ৰূপায়ণ কৰে।

কা’ আন্দোলনত শ্বহীদ হোৱা পাঁচগৰাকী ব্যক্তিক আৰক্ষীয়ে বৰ্বৰ ভাৱে গুলিয়াই হত্যা কৰা ঘটনাৰ ন্যায়িক তদন্ত আৰু দোষীক দৃষ্টান্তমূলক শাস্তিৰ দাবীত আজি সদৌ অসম ছাত্ৰ সন্থাৰ আহ্বানত সদৌ শিৱসাগৰ জিলা ছাত্ৰ সন্থাই এই প্ৰতিবাদী কাৰ্যসূচী ৰূপায়ণ কৰে।

শিৱসাগৰ চহৰৰ মাজমজিয়াৰ মুক্তিনাথ চাৰিআলিত ৰূপায়ণ কৰে এই প্ৰতিবাদী কাৰ্যসূচী।

কা’ আন্দোলনত শ্বহীদ হোৱা পাঁচগৰাকী শ্বহীদক শ্ৰদ্ধাঞ্জলি জনায় আৰম্ভ কৰে এই গণ হুংকাৰ প্ৰতিবাদী কাৰ্যসূচী।

প্ৰতিবাদস্থলীত খোল- তাল- দবা- শঙ্খ বজায় কা’ বিৰোধিতাৰে আছুৰ তীব্ৰ প্ৰতিবাদ কৰে আছুৱে। প্ৰতিবাদস্থলীত চৰকাৰ বিৰোধী শ্লগানেৰে উত্তাল কৰি তোলে পৰিৱেশ।

বিজেপি চৰকাৰে কা’ বাতিল নকৰা পৰ্যন্ত সদৌ অসম ছাত্ৰ সন্থাই অসমৰ ৰাইজক লগত লৈ তীব্ৰ আন্দোলন কৰি যাব বুলি মন্তব্য কৰে সদৌ শিৱসাগৰ জিলা ছাত্ৰ সন্থাৰ সাধাৰণ সম্পাদক সমীৰণ ফুকনে।