ভাৰতত নামভৰ্তি শূন্য প্ৰায় ৮ হাজাৰ বিদ্যালয়ত ২০ হাজাৰ শিক্ষক কৰ্মৰতঃ শিক্ষা মন্ত্ৰালয়
চৰকাৰী তথ্য অনুসৰি ২০২৪-২৫ শিক্ষাবৰ্ষত সমগ্ৰ দেশৰ প্ৰায় ৮ হাজাৰ বিদ্যালয়ত নামভৰ্তিৰ সংখ্যা শূন্য আছিল। পশ্চিম বংগত এনে বিদ্যালয়ৰ সংখ্যা সৰ্বাধিক, তাৰ পাছতে আছে তেলেংগানা।
নামভৰ্তি শূন্য হোৱা বিদ্যালয়সমূহত মুঠ ২০,৮১৭ গৰাকী শিক্ষক নিয়োজিত হৈ আছিল। পশ্চিম বংগত এনে শিক্ষকৰ সংখ্যা ১৭,৯৬৫ জন, লগতে নামভৰ্তি নোহোৱা বিদ্যালয়ৰ সংখ্যা সৰ্বাধিক (৩,৮১২)।
শিক্ষা মন্ত্ৰালয়ৰ পৰিসংখ্যা অনুসৰি ৭,৯৯৩খন বিদ্যালয়ত নামভৰ্তিৰ সংখ্যা শূন্য, যিটো পূৰ্বৰ বছৰৰ ১২,৯৫৪খন বিদ্যালয়ৰ তুলনাত ৫ হাজাৰৰো অধিক হ্ৰাস পাইছে।
ইফালে হাৰিয়ানা, মহাৰাষ্ট্ৰ, গোৱা, অসম, হিমাচল প্ৰদেশ, ছত্তীশগড়, নাগালেণ্ড, ছিকিম, ত্ৰিপুৰাত তেনে কোনো বিদ্যালয় নাছিল।
কেন্দ্ৰীয় শাসিত অঞ্চল পুডুচেৰী, লক্ষদ্বীপ, দাদৰা আৰু নগৰ হাভেলী, আন্দামান আৰু নিকোবৰ দ্বীপপুঞ্জ, দমন আৰু ডিউ, চণ্ডীগড়ত কোনো বিদ্যালয়ত নামভৰ্তি শূন্য হোৱা নাছিল। দিল্লীতো শূন্য নামভৰ্তি থকা বিদ্যালয় নাছিল।
দ্বিতীয় সৰ্বাধিক এনে বিদ্যালয় তেলেংগানা (২,২৪৫), তাৰ পিছতে মধ্যপ্ৰদেশ (৪৬৩)ত আছে। এই বিদ্যালয়সমূহত তেলেংগানাত ১০১৬ জন শিক্ষক নিয়োজিত হোৱাৰ বিপৰীতে মধ্যপ্ৰদেশত ২২৩ জন শিক্ষক নিয়োজিত আছিল।
উত্তৰ প্ৰদেশত এনেধৰণৰ ৮১খন বিদ্যালয় আছিল। উত্তৰ প্ৰদেশৰ মাধ্যমিক শিক্ষা পৰিষদে ৰাজ্যজুৰি বিগত তিনিটা শিক্ষাবৰ্ষত একেৰাহে ছাত্ৰ-ছাত্ৰীৰ নামভৰ্তি শূন্য বুলি অভিহিত কৰা সংযুক্ত বিদ্যালয়সমূহৰ স্বীকৃতি বাতিলৰ বাবে প্ৰস্তুতি চলাইছে বুলি ঘোষণা কৰিছিল।
সমগ্ৰ দেশতে ৩৩ লাখতকৈ অধিক ছাত্ৰ-ছাত্ৰীয়ে ১ লাখতকৈ অধিক একক শিক্ষক বিদ্যালয়ত নামভৰ্তি কৰিছে, অন্ধ্ৰ প্ৰদেশত এই বিদ্যালয়সমূহৰ ভিতৰত সৰ্বাধিক, উত্তৰ প্ৰদেশ, ঝাৰখণ্ড, মহাৰাষ্ট্ৰ, কৰ্ণাটক, আৰু লক্ষদ্বীপে।
কিন্তু এজন শিক্ষক থকা বিদ্যালয়ত ছাত্ৰ-ছাত্ৰীৰ নামভৰ্তিৰ কথা আহিলে তালিকাৰ শীৰ্ষত আছে উত্তৰ প্ৰদেশ, তাৰ পিছতে আছে ঝাৰখণ্ড, পশ্চিম বংগ, আৰু মধ্যপ্ৰদেশ।
উল্লেখ্য যে ২০২২–২৩ চনত একক শিক্ষকৰ বিদ্যালয়ৰ সংখ্যা ১,১৮,১৯০ খনৰ পৰা ২০২৩–২৪ চনত ১,১০,৯৭১ খনলৈ হ্ৰাস পাইছে।