প্ৰায় ৮ ঘণ্টাজোৰা অস্ত্ৰোপচাৰৰ অন্তত পঞ্জাবৰ চিকিৎসকে জোৰা লগালে আৰক্ষীৰ কটা হাত
পঞ্জাবৰ চিকিৎসকৰ দলে কালি প্ৰায় ৮ ঘণ্টাজোৰা এক দীঘলীয়া তথা জটিল অস্ত্ৰোপচাৰৰ অন্তত ল’কডাউনৰ সময়ত পঞ্জাবৰ নিহাং গোটৰ সদ্যসৰ আক্ৰমণৰ বলি হোৱা হৰজিৎ সিং নামৰ এগৰাকী আৰক্ষী বিষয়াৰ কটা হাত জোৰা লাগবলৈ সক্ষম হয়।
চণ্ডিগড়ৰ Postgraduate Institute of Medical Education and Research (PGIMER)ত ৭.৫ ঘণ্টীয়া উক্ত অস্ত্ৰোপ্ৰচাৰ সম্পন্ন হয়। আক্ৰমণত হাত এৰ খাই যোৱা ৫০বছৰীয়া হৰজিৎ সিং এগৰাকী সহকাৰী আৰক্ষী উপ পৰিদৰ্শক।
দেওবাৰে দিনৰ ভাগত পাটিয়ালা জিলাৰ শানৌৰ নগৰৰ এখন শাক–পাচলিৰ বজাৰত কেইজনমান নিহাং গোটৰ সদস্যক কাৰ্ফিউ পাছ দেখুৱাবলৈ কওঁতে তেওঁলোকে তৰোৱালেৰে ঘপিয়াই সিঙৰ হাতখন কাটি পেলাইছিল। সিঙৰ উপৰি আন ৩জন আৰক্ষীৰ লোক উক্ত আক্ৰমণত আহত হয়।
অত্যন্ত জটিল অস্ত্ৰোপচাৰটো সুকলমে সম্পন্ন কৰাৰ বাবে ৰাজ্যখনৰ মুখ্য মন্ত্ৰী কেপ্টেইন অমৰিন্দৰ সিঙে চিকিৎসকৰ দলটোক ধন্যবাদ জনায়। PGIMER প্ৰতিষ্ঠানৰ প্লাষ্টিক চাৰ্জাৰী বিভাগৰ মূৰব্বী ৰমেশ শৰ্মাই অস্ত্ৰোপচাৰৰ মূল দায়িত্বত আছিল।
আনহাতে পজাব আৰক্ষীয়ে উক্ত আক্ৰমণত জড়িত থকা এগৰাকী মহিলাসহ ১১জন লোকক গ্ৰেপ্তাৰ কৰিছে।
You may also like
আজৱ কাণ্ড! প্ৰাক্তন মুখ্য ন্যায়াধীশৰ নামত ভুৱা ৱাটছ্এপ একাউণ্ট খুলিলে আই পি এছ বিষয়াই: কৰিলে আত্মসমৰ্পণ
সৰিয়হৰ ডুলিতে ওলাইছে ভূত। অপৰাধ নিয়ন্ত্ৰণৰ দায়িত্বত নিয়োজিত আৰক্ষীৰ এগৰাকী উচ্চপদস্থ বিষয়াই নিজেই লৈছে অপৰাধৰ পথ। পাটনা উচ্চ ন্যায়ালয়ৰ প্ৰাক্তন মুখ্য ন্যায়াধীশৰ…
হিংসাত্মক ঘটনা প্ৰতিহত কৰিবলৈ আৰক্ষীৰ প্ৰচেষ্টাৰ মাজতো শ্বিলঙত অব্যাহত আছে উত্তেজনা
মেঘালয়ৰ ৰাজধানী চহৰ শ্বিলঙত আজিও উত্তেজনা অব্যাহত আছে। আনহাতে, আৰক্ষী আৰু অসামৰিক প্ৰশাসনে পুনৰ কোনো হিংসাত্মক ঘটনা যাতে বিয়পিব নোৱাৰে তাৰ বাবে…
‘ভাৰতৰ সাৰ্বভৌমত্বৰ বাবে বিপজ্জনক’, আলফাৰ ওপৰত নিষেধাজ্ঞা ৫ বছৰলৈ বৃদ্ধি কৰিলে কেন্দ্ৰই
সংযুক্ত মুক্তি বাহিনী, অসম চমুকৈ আলফাৰ ওপৰত থকা নিষেধাজ্ঞা আৰু ৫ বছৰৰ বাবে বৃদ্ধি কৰিছে কেন্দ্ৰীয় গৃহ মন্ত্ৰালয়ে। সোমবাৰে কেন্দ্ৰই গ্ৰহণ কৰে…
তিৱা স্বায়ত্ত্ব পৰিষদৰ নিৰ্বাচনতবিজেপি দলে গণতন্ত্ৰক হত্যা কৰিবলৈ ওলাইছে—প্ৰাক্তন মন্ত্ৰী বুবুল দাস
১৭ ডিচেম্বৰত অনুষ্ঠিত হব লগীয়া তিৱা স্বায়ত্ত পৰিষদৰ নিৰ্বাচনৰ বাবে বিভিন্ন ৰাজনৈতিক দলে প্ৰচাৰ তুংগত কৰি তুলিছে ৷ সেই অনুসৰি আজি ১২…