Marburg Virus: এইবাৰ মাৰবাৰ্গ ভাইৰাছৰ আতংক! প্ৰতি ১০ জনৰ ভিতৰত ৮জনৰ মৃত্যুৰ আশংকা

Marburg virus কৰোনা ভাইৰাছ মাঙ্কিপক্সৰ পিছত এইবাৰ নতুন মাৰবাৰ্গ ভাইৰাছৰ আতংক বিয়পিছে। মাৰবাৰ্গ ভাইৰাছৰ সংক্ৰমণৰ ফলত ঘানাত ইতিমধ্যে দুজন লোকৰ মৃত্যু হৈছে। বিশ্ব স্বাস্থ্য সংস্থাই সতৰ্ক কৰি দিছে যে সাৱধান নহ’লে সহজেই এই ভাইৰাছ নিয়ন্ত্ৰণৰ বাহিৰলৈ যাব পাৰে। ইয়াত মৃত্যুৰ হাৰ ৮৮ শতাংশলৈকে হ’ব পাৰে।

বিশ্ব স্বাস্থ্য সংস্থাৰ মতে ইবোলাৰ দৰে সংক্ৰামক এই ভাইৰাছ বাদুলিৰ পৰা আহে। ই মানৱ শৰীৰৰ ফ্লুইডৰ জৰিয়তে মানুহৰ মাজত বিয়পে।

এক পৰিসংখ্যা অনুসৰি মাৰবাৰ্গ ভাইৰাছৰ মৃত্যুৰ হাৰ ২৪-৮৮ শতাংশ। গতিকে এই ভাইৰাছ বিয়পিলে কৰ’নাৰ দৰে পৰিস্থিতি সৃষ্টি কৰিব পাৰে।

যোৱা ২৬ জুনত এজন লোকক ঘানাৰ চিকিৎসালয়ত ভৰ্তি কৰোৱা হৈছিল। পিছদিনা তেওঁৰ মৃত্যু হয়। আনহাতে, ২৮ জুনত ভৰ্তি হোৱাৰ দিনাই দ্বিতীয় এজন ব্যক্তিৰ মৃত্যু হয়। মাৰবাৰ্গ ভাইৰাছটো প্ৰআথমিকভাৱে দুয়োজন লোকৰ দেহত পোৱা গৈছিল যদিও নমুনাবোৰ ছেনেগাললৈ প্ৰেৰণ কৰা হৈছিল। পিছত তাতো পজিটিভ ৰিপ’ৰ্ট আহে। মাৰবাৰ্গ ভাইৰাছ যিহেতু অত্যন্ত সংক্ৰামক সেয়ে দুয়োজন লোকৰ মৃত্যুৰ পিছত তেওঁলোকৰ সংস্পৰ্শলৈ অহা ৯০ জন লোকক নিৰীক্ষণত ৰখা হৈছে।

বিশ্ব স্বাস্থ্য সংস্থাই জানিবলৈ দিছে যে যোৱা বছৰৰ আগষ্টত পশ্চিম আফ্ৰিকাৰ গিনিত এজন মাৰবাৰ্গ ৰোগী ধৰা পৰিছিল। তাৰ পাঁচ সপ্তাহৰ পিছত গিনি চৰকাৰে ইয়াক মহামাৰী বুলি ঘোষণা কৰে। ইয়াৰ পূৰ্বে ভাইৰাছটো এংগোলা, কঙ্গো, কেনিয়া, দক্ষিণ আফ্ৰিকা আৰু উগাণ্ডাত ধৰা পৰিছিল।

লগতে পঢ়ক: আৱৰ্জনাৰ গাড়ীত মোডী-যোগীৰ ফটো; ভিডিঅ’ ভাইৰেল হোৱাৰ পিছতেই চাকৰি গ’ল চাফাইকৰ্মীৰ

মাৰবাৰ্গ ভাইৰাছৰ লক্ষণ কি? যেতিয়া ভাইৰাছটো মানৱ শৰীৰত প্ৰৱেশ কৰে তেতিয়া ২-২১ ধৰি ইনকিউবেচন ম্যাদ থাকে। তাৰ পিছত বিভিন্ন লক্ষণ দেখা দিয়ে। সাধাৰণতে, এই ক্ষেত্ৰত জ্বৰ, মুৰৰ বিষ, মূৰ ঘূৰোৱা, বমি অহা, বুকুৰ বিষ, ডিঙিৰ বিষ, তলপেটত বিষ, ডায়েৰিয়া হ’ব পাৰে। যদি লক্ষণবোৰ অলপ পুৰণি হয়, জণ্ডিচ, অগ্নাশয় ফুলা, হঠাতে ওজন হ্ৰাস, যকৃতৰ সমস্যা, মাল্টি অৰ্গেন বিকল হ’ব পাৰে।