মাৰ্শ্বাল অৰ্জন সিঙৰ সন্মানাৰ্থে শতকীয় মাৰাথন ভাৰতীয় বায়ু সেনাৰ

ভাৰতীয় বায়ু সেনাৰ মাৰ্শ্বাল প্ৰয়াত অৰ্জান সিঙৰ জন্ম শতবৰ্ষ উপলক্ষে অসমকে ধৰি উত্তৰ-পূবৰ সকলো বায়ু সেনা আস্থানে দেওবাৰে আয়োজন কৰে ‘শতকীয় মাৰাথন’।

গুৱাহাটী, ডিগাৰু আৰু শিলচৰ বায়ু সেনা আস্থানেও এই ২১ কিঃমিঃজোৰা মাৰাথনটোৰ আয়োজন কৰিছিল।

বায়ু সেনা আস্থান গুৱাহাটী:

আস্থানটোৰ এয়েৰ অফিচাৰ কমাণ্ডিং এয়েৰ কমদৰ শশাংক মিশ্ৰই পতাকা জোকাৰি মাৰাথনটো শুভাৰম্ভ কৰে। দৌৰটোত আস্থানটোৰ মুঠ ১০০গৰাকী সেনানীয়ে অংশগ্ৰহণ কৰে।

বায়ু সেনা আস্থান ডিগাৰু:

আস্থানটোৰ কমাণ্ডাৰ গ্ৰুপ কেপ্তেইন চি কে ৰাচয়াৰাই পতাকা জোকাৰি মাৰাথনটো শুভাৰম্ভ কৰে। দৌৰটোত আস্থানটোৰ মুঠ ২৫০গৰাকী সেনানীয়ে অংশগ্ৰহণ কৰে।

বায়ু সেনা আস্থান শিলচৰ:

কুম্ভীৰগ্ৰামস্থিত আস্থানটোৰ কমাণ্ডাৰে পতাকা জোকাৰি শুভাৰম্ভ কৰা মাৰাথনটোত আস্থানটোৰ মুঠ ১০০গৰাকী সেনানীয়ে অংশগ্ৰহণ কৰে।

ভাৰতীয় বায়ু সেনাৰ প্ৰবাদপ্ৰতিম মাৰ্শ্বালজনলৈ গভীৰ শ্ৰদ্ধা জনোৱা আৰু তেওঁৰ কৃতিত্বৰ প্ৰসাৰৰ বাবে দৌৰটোৰ আয়োজন কৰা হৈছিল।

মাৰ্শ্বাল অৰ্জুন সিঙৰ গৌৰৱময় ঐতিহ্য বহন কৰি নিয়াৰ ক্ষেত্ৰত কোনো চেষ্টাৰ কোনো ত্ৰুটী নাৰাখিবলৈয়ো সেনানীসকলে শপতগ্ৰহণ কৰে।