ঘৰমূখী কৃষকৰ ওপৰত পুষ্পবৃষ্টি বিমানৰ; ভিডিঅ’ ভাইৰেল
বিতৰ্কিত কৃষি আইনৰ বিৰুদ্ধে বছৰজোৰা আন্দোলনৰ সফল সমাপ্তিৰ পিছত ঘৰমূখী উচ্ছাসিত কৃষকসকলৰ ওপৰত এখন বিমানে পুষ্পবৃষ্টি কৰা এক ভিডিঅ’ সামাজিক মাধ্যমত চৰ্চিত হৈ পৰিছে।
দিল্লীৰ সীমান্তৰ প্ৰতিবাদস্থলীত ১৫ মহীয়া প্ৰতিবাদৰ পিছত আজি প্ৰতিবাদস্থলীৰ পৰা ঘৰলৈ যাত্ৰা আৰম্ভ কৰিছে প্ৰতিবাদী কৃষক সকলে।
সামাজিক মাধ্যমত প্ৰচাৰ হোৱা ভিডিঅ’ আৰু ফটোত কৃষকসকলক ট্ৰেক্টৰ আৰু জীপত সেউজীয়া আৰু বগা পতাকা উৰুৱাই যোৱা দেখিবলৈ পোৱা গৈছে। ৰাজধানীৰ উপকণ্ঠৰ পৰা ঘৰমুৱা কৃষক সকলৰ ওপৰত এখন বিমানে পুষ্পবৃষ্টি কৰি উষ্ম আদৰণি জনায়।
An aircraft showered flower petals on farmers as they reached Shambhu border (Punjab-Haryana border) from Delhi today after their year-long agitation over three farm laws & other related issues
The aircraft was arranged by a Non-Resident Indian. pic.twitter.com/5Oo8IpPeoy
— ANI (@ANI) December 11, 2021
বছৰযোৰা কঠিন সংগ্ৰামৰ সমাপ্তি হোৱাৰ লগে লগে কৃষকসকলে কয় যে তেওঁলোক ঘৰলৈ উভতি আহি সুখী আৰু সকাহ পাইছে।