সদৌ অসম অস্থায়ী বিলক্লাৰ্ক মিটাৰ ৰিডাৰ কৰ্মী সন্থাৰ অসহযোগ আন্দোলন

সদৌ অসম অস্থায়ী বিলক্লাৰ্ক মিটাৰ ৰিডাৰ কৰ্মী সন্থাই ২ ডিচেম্বৰৰ পৰা অহা ৭ ডিচেম্বৰলৈকে অসহযোগ আন্দোলন কাৰ্যসূচী ৰূপায়ণ কৰি আছে।

অসমৰ শক্তি খণ্ডৰ অস্থায়ী কৰ্মীৰ চাকৰি নিয়মীয়াকৰণৰ বাবে অনুষ্ঠিত লিখিত পৰীক্ষাৰ ফলাফল ঘোষণা কৰি চাকৰি সমূহ নিয়মীয়াকৰণ নকৰাৰ প্ৰতিবাদত এই প্ৰতিবাদী কাৰ্যসূচী ৰূপায়ণ কৰিবলৈ বাধ্য হৈছে বুলি মাৰ্ঘেৰিটা উপসংমণ্ডল খণ্ডৰ সভাপতি অৰুন চেতিয়া আৰু সম্পাদক ফৰিয়াদ খানে সংবাদমাধ্যমক জানিবলৈ দিছে।

অসমৰ ১৫৮ খণ্ডৰ প্ৰায় ২ হেজাৰ আৰু মাৰ্ঘেৰিটাৰ ৮০ জনে এই অসহযোগ আন্দোলনত অংশগ্ৰহণ কৰিছে।

আনহাতে অহা ৭ ডিচেম্বৰলৈকে কৰিব লগীয়া অসহযোগ প্ৰতিবাদী আন্দোলন কাৰ্যসূচীক চৰকাৰে যদি গুৰুত্ব প্ৰদান নকৰে তেন্তে অহা ৯ ডিচেম্বৰৰ পৰা গুৱাহাটী বিজুলী ভৱনৰ সন্মুখত আমৰণ অনশন আৰু প্ৰতিটো উপ-সংমণ্ডলত পুনৰ অহযোগ (কৰ্মবিৰতি) কাৰ্যসূচী ৰূপায়ণ কৰা হ’ব বুলি হুংকাৰ প্ৰদান কৰিছে।