ক’ৰ’নাৰ আতংকৰ মাজতে এটা ভাল খবৰ দিলে মন্ত্ৰী হিমন্ত বিশ্ব শৰ্মাই
ৰাজ্যৰ চৌদিশে ক’ৰ’নাৰ আতংক চলি থকাৰ মাজতে আজি এক সংবাদমেল যোগে এটা ভাল খবৰ দিলে মন্ত্ৰী হিমন্ত বিশ্ব শৰ্মাই।
মন্ত্ৰী গৰকীয়ে জনোৱা মতে ক’ৰ’না ভাইৰাছত আক্ৰান্ত গুৱাহাটী চিকিৎসা মহাবিদ্যালয়ৰ চিকিৎসক ডা০ লিথিকেশসহ ৰাজ্যৰ ৭ গৰাকী কোভিড-১৯ ৰোগী সুস্থ হৈ উঠিছে।
আজি বিয়লি প্ৰায় ৫:৩০ত স্বাস্থ্য মন্ত্ৰী হিমন্ত বিশ্ব শৰ্মা GMCHত উপস্থিত হৈ ডা০ লিথিকেশক চিকিৎসালয়ৰ পৰা মুক্তি দিয়ে।
দাক্ষিণাত্যৰ ডা০ লিথিকেশৰ দেহত ২৭ এপ্ৰিলৰ পৰাই ক’ৰ’নাৰ লক্ষণে লাহে লাহে দেখা দিছিল যদিও যোৱা ৭ মে’ত কোভিড-১৯ৰ উপস্থিতি ধৰা পৰে।
তাৰ পাছৰে পৰা GMCH ত চিকিৎসাধীন হৈ আছিল লিথিকেশ।
লিথিকেশৰ সম্পৰ্কলৈ অহা ২২০০ লোকৰ দুগৰাকীক বাদ কৰি আটাইৰে নিগেটিভ আহিছিল।
ডা০ লিথিকেশৰ উপৰি আজি যোৰহাট মেডিকেল কলেজ হস্পিতালৰ ২ গৰাকী, শিলচৰ মেডিকেল কলেজ হস্পিতালৰ চাৰিগৰাকী লোকক সুস্থ হৈ উঠাৰ বাবে চিকিৎসালয়ৰ পৰা যাবলৈ দিয়া হয়।
বৰ্তমানলৈকে ৰাজ্যত ১৭০ গৰাকী লোক চিকিৎসাধীন হৈ থকাৰ লগতে ৪৮ গৰাকীক চিকিৎসালয়ৰ পৰা যাবলৈ দিয়া হৈছে। ইতিমধ্যে ৪ গৰাকী লোক মৃত্যু মুখত পৰিছে।
যোৰহাট চিকিৎসা মহাবিদ্যালয় হস্পিতালৰ পৰা মুকলি কৰি দিয়া ব্যক্তি দুগৰাকী হৈছে মামু বৰা আৰু পৰীস্মিতা দত্ত কলিতা।
ইপিনে ডা০ লিথিকেশ ক’ৰ’না মুক্ত হ’ল যদিও তেওঁ কিছু দিনৰ বাবে মহানগৰীৰ এখন হোটেলত কুৱাৰেন্টাইনত থাকিব।
You may also like
আদালতত শুনানিৰ সময়ত অধিবক্তাৰ মুখত গুটখা; উচ্চতম ন্যায়ালয়ৰ ন্যায়াধীশে দিলে সকীয়নি
কোভিড-১৯ৰ সংক্ৰমণৰ কাৰণে গোটেই দেশতে সকলো ক্ষেত্ৰতে প্ৰভাৱ পৰিছে। ন্যায়াপালিকাৰ কাৰ্যব্যৱস্থাতো ইয়াৰ প্ৰভাৱ পৰিছে। কৰ’না কালত বৰ্তমান আদালতে কেৱল জৰুৰী গোচৰৰহে শুনানি…
ভাৰতীয় বৈবাহিক ব্যৱস্থাটোক ধ্বংস কৰিছে লিভ-ইন-ৰিলেশ্যনশ্যিপে – এলাহাবাদ উচ্চ ন্যায়ালয়
শেহতীয়াকৈ ভাৰতৰ চহৰীয়া সভ্যতাত বৃদ্ধি পাবলৈ লৈছে লিভ ইন ৰিলেশ্যনশ্যিপৰ হাৰ। কিন্তু এই লিভ ইন ৰিলেশ্যনশ্যিপে ভাৰতীয় বিবাহ ব্যৱস্থাটোক প্ৰভাৱিত কৰা বুলি…
তিনিখন বিশেষ ৰে’লৰ চলাচলৰ সময়সীমাৰ সম্প্ৰসাৰণ, দুখন এক্সপ্ৰেছ ৰে’লৰ ফ্ৰিকোৱেঞ্চি বৃদ্ধি; দৈনিক ভিত্তিত চলিব বিবেক এক্সপ্ৰেছ
যাত্ৰীসকলৰ অতিৰিক্ত ভিৰ নিয়ন্ত্ৰণ কৰাৰ অৰ্থে উত্তৰ পূব সীমান্ত ৰে’লৱেই জুলাই, ২০২৪ ৰ প্ৰথম সপ্তাহৰ পৰা তিনিযোৰ বিশেষ ৰে’লৰ সেৱা বাহাল ৰখাৰ…
‘জনতাৰ আদালত’ হিচাপে উচ্চতম ন্যায়ালয়ৰ ভূমিকা সংৰক্ষণ কৰিব লাগিবঃ মুখ্য ন্যায়াধীশ চন্দ্ৰচূড়
ভাৰতৰ মুখ্য ন্যায়াধীশ ডি ৱাই চন্দ্ৰচুড়ে কয় যে দায়িত্ব লোৱাৰ পিছৰে পৰা উচ্চতম ন্যায়ালয়ক জনসাধাৰণৰ আদালত হিচাপে গঢ়ি তোলাৰ লক্ষ্য লৈছে আৰু…