সভালৈ নাযাওঁ বোলা লোকৰ চৰকাৰী আঁচনিৰ সুবিধা কৰ্তনৰ ভাবুকি দিয়ে বিজেপিয়ে : ৰিপুন বৰা

শনিবাৰে শিৱসাগৰত বিজেপি দল, প্ৰধানমন্ত্ৰী নৰেন্দ্ৰ মোদী আৰু অসমৰ মন্ত্ৰী হিমন্ত বিশ্ব শৰ্মাক তীব্ৰ সমালোচনা কৰে প্ৰদেশ কংগ্ৰেছৰ সভাপতি ৰিপুন বৰাই।

বিজেপি দল আৰু চৰকাৰৰ সমালোচনা কৰি প্রদেশ কংগ্রেছর সভাপতিগৰাকীয়ে আজি সাংবাদিকৰ আগত কয় যে বিজেপিয়ে মিটিঙলৈ ব্লেকমেইলিং কৰি মানুহ আনে।

মিটিঙলৈ নাহিলে অৰুণোদয় আঁচনি, ফ্ৰী চাউল কাটি দিয়া হ’ব, ত্ৰিশ হাজাৰ টকা নাপাব বুলি ভয় ভাবুকি দিয়া হয় বুলি গুৰুতৰ অভিযোগ কৰে প্ৰদেশ কংগ্ৰেছৰ সভাপতি ৰিপুন বৰাই।

প্ৰধানমন্ত্ৰীৰ সঘনাই অসম ভ্ৰমণকলৈ বৰাই কয়, অসমৰ ৰাইজৰ বিপদৰ সময়ত প্ৰধানমন্ত্ৰী নৰেন্দ্ৰ মোডীৰ এবাৰো অসমলৈ আহিবলৈ সময় নোলাল। এতিয়া ভোটৰ আশাত সঘনাই অসমলৈ আহিছে।

বৰাই মন্ত্ৰী হিমন্ত বিশ্ব শৰ্মাকও তীব্ৰ সমালেচনা কৰে। কংগ্ৰেছৰ মিটিঙত মানুহ কিমান হ’ব তাকলৈ হিমন্ত বিশ্ব শৰ্মাই মূৰ ঘমাব নালাগে বুলি মন্তব্য কৰে ৰিপুন বৰাই।

দেওৰাৰৰ কংগ্ৰেছৰ সমাবেশত উজনি অসমৰ প্ৰতিখন জিলাৰ মানুহ আহিব আৰু প্ৰায় ২৫ হাজাৰ মানুহ গোট খাব বুলি দাবী কৰিছে ৰিপুন বৰাই।