ভাৰতীয় জনতা যুৱ মৰ্চাৰ যুৱ সন্মিলনত উপস্থিত অৰুণাচলৰ মুখ্য মন্ত্ৰী খাণ্ডু

১৩ নৱেম্বৰ মঙলবাৰে ভাৰতীয় জনতা যুৱ মৰ্চাৰ ৰাজ্যিক গোটে আয়োজন কৰা ৩-মুক্ত মণ্ডলৰ যুৱ সন্মিলনত  অৰুণাচলৰ মুখ্য মন্ত্ৰী পেমা খাণ্ডু উপস্থিত থাকে। যুৱ প্ৰতিনিধিসকলৰ আগত প্ৰদান কৰা তেওঁৰ ভাষণত মুখ্য মন্ত্ৰী খাণ্ডুৱে ৰাজ্যখনৰ যুৱ সমাজক কেন্দ্ৰ আৰু ৰাজ্য চৰকাৰৰ ফ্লেগশ্বিপ কাৰ্যসূচীসমূহৰ লাভখিনি ৰাজ্যখনৰ জনসাধাৰণৰ মাজলৈ লৈ যোৱাৰ বাবে আহ্বান জনায়।

মুখ্য মন্ত্ৰীগৰাকীয়ে চৰকাৰ আপকে, দ্বাৰ সন্মিলনক ৰাইজৰ মাজলৈ লৈ যোৱাত সক্ৰিয় ভূমিকা গ্ৰহণ কৰাৰ বাবে যুৱ সমাজক আহ্বান জনায়। তেওঁ আৰু কয় যে ৰাজ্য আৰু কেন্দ্ৰ চৰকাৰৰ ফ্লেগশ্বিপ কাৰ্যসূচীসমূহ সফলতাৰে  বাস্‌তৱায়িত কৰাৰ ক্ষেত্ৰত ৰজ্য চৰকাৰে দলটোৰ যুৱ কৰ্মীসকলৰ পৰা সক্ৰিয় সমৰ্থন আশা কৰে।

ৰাজ্য চৰকাৰ আৰু বিজেপি দলৰ প্ৰতি নিষ্ঠাৰে কাম কৰি যাবলৈ তেওঁ যুৱ সমাজলৈ আহ্বান জনায়। নেতা ভিত্তিক ৰাজনীতিৰ উৰ্ধলৈ গৈ বিজেপি দলৰ আদৰ্শেৰে উদ্বুদ্ধ হ’বলৈও তেওঁ যুৱ সমাজলৈ আহ্বান জনায়। অনুষ্ঠানত পৰ্যটন মন্ত্ৰী জাৰকাৰ গেমলিনেও বক্তব্য ৰাখে।