অৰুণাচলত পোহৰলৈ আহিল প্ৰথমজন ক’ৰ’না আক্ৰান্ত ৰোগীৰ ঘটনা
অৰুণাচল প্ৰদেশত আজি ক’ৰ’না ভাইৰাছৰ প্রথমটো ঘটনা পোহৰলৈ আহিছে। ৰাজ্যখনৰ লোহিত জিলৰ তেজুৰ এগৰাকী লোকৰ দেহত ক’ৰ’না ভাইৰাছৰ অৱস্থিতি ধৰা পৰিছে।
এটা সূত্ৰৰ পৰা জানিব পৰা মতে, ক’ৰ’নাত আক্ৰান্ত লোকজন যোৱা ১৬ মাৰ্চত দিল্লীৰ নিজামুদ্দিনত তবলিগী জামাতত অংশ লৈ নিজ ৰাজ্যলৈ ঘূৰি আহি ২৪ মাৰ্চৰ পৰা কোৱাৰেণ্টাইত আছিল।
ইতিমধ্যে জিলা প্ৰশাসনে তবলিগী জামাতত অংশ লোৱা আন আন লোক সকলকো কোৱাৰেণ্টাইনত ৰখা বুলি জানিবলৈ দিয়ে।
ইয়াৰ উপৰি, ৰাজ্যখনৰ আন সাতগৰাকী লোককো কোৱাৰেণ্টাইনত ৰাখিছে। এই আটাইকেইগৰাকী লোকৰে নমুনা পৰীক্ষাৰ বাবে সংগ্ৰহ কৰা হৈছে।
সূত্ৰটোৱে প্ৰকাশ কৰা মতে এই লোকসকলে যোৱা ডিচেম্বৰ মাহত অসমৰ তিনিচুকীয়া জিলাৰ পৰা একেলগে দিল্লীলৈ যাত্ৰা কৰিছিল।
এই লোকসকল যোৱা ১৯ আৰু ২০ মাৰ্চৰ ভিতৰত নামছাই, লোহিত আৰু ইটানগৰলৈ উভতি আহিছিল।
ভ্ৰমণ পৰিক্ৰমা অনুসৰি উক্ত সাতগৰাকী লোকে দিল্লীৰ তবলিগী জামাতত অংশ লোৱাৰ বিপৰীতে উত্তৰ প্ৰদেশত আছিল বুলিহে জানিব পৰা যায়।