ৰাষ্ট্ৰীয় ভাৰোত্তলন চেম্পিয়নশ্বিপত ৰূপৰ পদক অৰুণাচলৰ ৰেশনিৰ

অৰুণাচলৰ জুনিয়ৰ ভাৰোত্তলন টীমটোৱে শুকুৰবাৰে অনুষ্ঠিত প্ৰতিযোগিতাত আৰু এটা পদক দখলেৰে ৰাজ্যখনৰ হৈ আৰু এটা পদক জয় কৰিলে। মহাৰাষ্ট্ৰৰ নাগপুৰত চলি থকা ১৪ সংখ্যক যুৱ ৰাষ্ট্ৰীয় ভাৰোত্তলন চেম্পিয়নশ্বিপত ৰূপৰ পদকটো জয় কৰিলে পি ৰোশনিয়ে।

যোৱা বছৰ এটা পদকো অৰ্জন কৰিবলৈ সক্ষম নোহোৱা অৰুণাচলৰ টীমটোৱে এই একেই প্ৰতিযোগিতাত এইবাৰ ৭টাকৈ পদক অৰ্জন কৰিবলৈ সক্ষম হৈছে। পদকসমূহৰ মাজত আছে এটা সোণ ৩টা ৰূপ আৰু ৩টা ব্ৰঞ্জৰ পদক।

উল্লেখ্য শিহৰণকাৰী ষষ্ঠ দিনৰ খেলখনত ৰোশনিয়ে মাত্ৰ ১ কেঃজিৰ ব্যৱধানত সোণৰ পদক লাভ কৰি জুনিয়ৰ ৰাষ্ট্ৰীয় চেম্পিয়ন খিতাপৰ পৰা বঞ্চিত হ’বলগীয়া হৈছে। চমকপ্ৰদ প্ৰদৰ্শন কৰিও ৰোশনিয়ে ৰূপৰ পদকতেই সন্তুষ্ট থাকিবলগীয়া হ’’ল।

উল্লেখ্য যে প্ৰতিযোগিতাখনৰ আগে আগে ৰোশনিয়ে জ্বৰ আৰু পেটৰ অসুখত ভুগি আছিল। অভিযোগ অনুসৰি, আয়োজকসকলে যোগান ধৰা অস্বাস্থ্যকৰ খাদ্য গ্ৰহণ কৰাৰ পলত ৰোশনিৰ এই অসুখ হৈছিল।

অসুখ সত্বেও ৰোশনিয়ে ৭১ কেঃজি শাখাত মুঠ ১৭২ কেঃজিঃ (ইয়াৰে ৭৭ কেঃজিঃ স্নেচ আৰু ৯৫ কেঃজিঃ ক্লীন এণ্ড জাৰ্ক শাখাৰ পৰা আহিছে)ভাৰোত্তলন কৰে।