ক’ভিডৰ দ্বিতীয় ঢৌ তীব্ৰ হোৱাৰ সময়তে কোনো বাধা নিষেধ অবিহনেই আৰম্ভ হ’ল কুম্ভমেলা

ক’ভিড়-১৯ৰ দ্বিতীয় ঢৌৱে দেশত তীব্ৰৰূপ ধাৰণ কৰাৰ সময়তে সোমবাৰে আৰম্ভ হৈছে কুম্ভ মেলা।

কোনোধৰণৰ ক’ভিড বাধা নিষেধ নমনাকৈয়ে হাজাৰ হাজাৰ লোকে উত্তৰাখণ্ডৰ হৰিদ্বাৰত সমবেত হৈছে আৰু পবিত্ৰ গংগাত স্নান কৰিছে।

প্ৰশাসনে জনাইছে যে ভক্তৰ ব্যাপক সমাগমৰ বাবে সুৰক্ষা বিধিসমূহ আৰোপ কৰিবলৈ কঠিন হৈ পৰিছে।

উল্লেখযোগ্য যে ১২ বছৰৰ মূৰে মূৰে অনুষ্ঠিত হোৱা কুম্ভ মেলা চাৰিখন চহৰত উদযাপন কৰা হয়- এলাহাবাদ, হৰিদ্বাৰ, নাছিক আৰু উজ্জয়িনী।

এইবাৰ এই মেলা হৰিদ্বাৰত অনুষ্ঠিত হৈছে।

দুমাহ ধৰি এই মেলা অনুষ্ঠিত হ’ব।