পি বি এলৰ নিলাম : নৰ্থ-ইষ্টাৰ্ণ ৱাৰিঅ’ৰ্ছৰ সৈতে চুক্তিবদ্ধ অসমৰ শ্বাটলাৰ অস্মিতা চলিহা
অস্মিতা চলিহা। ফটো সৌজন্য: চি দ্যা পিপ'ল টিভি
প্ৰিমিয়াৰ বেডমিণ্টন লীগৰ পঞ্চম ছিজনৰ খেলুৱৈৰ নিলামত অসমৰ প্ৰতিভাৱান শ্বাটলাৰ অস্মিতা চলিহাই নৰ্থ-ইষ্ট ৱাৰিঅ’ৰ্ছৰ সৈতে তিনি লাখ টকাত চুক্তিবদ্ধ হৈছে।
২০২০ চনৰ ২০ জানুৱাৰীৰ পৰা ৯ ফেব্ৰুৱাৰিলৈ অনুষ্ঠিত হ’বলগীয়া প্ৰতিযোগিতাখনত অস্মিতাই নৰ্থ-ইষ্টাৰ্ণ ৱাৰিঅ’ৰ্ছৰ হৈ খেলত অংশ ল’ব।
আনহাতে, ভাৰতৰ তাৰকা অলিম্পিকৰ পদক বিজয়ী শ্বাটলাৰ পি ভি সিন্ধুক পি বি এলৰ নিলামত মঙলবাৰে হায়দৰাবাদ হাণ্টাৰ্ছে চুক্তিবদ্ধ কৰে।
বিগত বৰ্ষতো হায়দৰাবাদ হাণ্টাৰ্ছৰ সৈতে থকা সিন্ধুক এইবাৰ দলটোৱে ৭৭ লাখ টকাত চুক্তিবদ্ধ কৰে।
উল্লেখযোগ্য যে, হায়দৰাবাদ, চেন্নাই, লক্ষ্ণৌ আৰু বেংগালুৰুত অনুষ্ঠিত হ’বলগীয়া প্ৰতিযোগিতাখন মুঠ সাতটা দলে অংশগ্ৰহণ কৰিব।
বিগত বৰ্ষত প্ৰতিযোগিতাখনত বেংগালুৰু ৰেপটাৰ্ছে চেম্পিয়ন হৈছিল।
ভাৰতৰ বেডমিণ্টনৰ আগশাৰীৰ লীগখনত দেশী-বিদেশী তাৰকা শ্বাটলাৰে অংশ ল’ব।