জনসাধাৰণৰ সমস্যা সমাধানৰ প্ৰয়াসেৰে ৱেবচাইট মুকলি বিজেপিৰ

জনসাধাৰণৰ সমস্যা সমাধানৰ বাবে অসম প্ৰদেশ বিজেপিয়ে আজি www.reportcard100plus.com নামৰ এটি ৱেবচাইট মুকলি কৰে।

হেঙেৰাবাৰীস্থিত মুখ্য কাৰ্যালয়ত দলৰ সভাপতি ৰঞ্জিত কুমাৰ দাসে ৱেবচাইটো মুকলি কৰি ৰাজ্যবাসীৰ নামত উচৰ্গা কৰে।

ৱেবচাইটো মুকলি কৰি সভাপতি দাসে কয়, ‘এই ৱেবচাইটৰ জৰিয়তে জনসাধাৰণে ভাৰতীয় জনতা পাৰ্টীৰ বুথ, পঞ্চায়ত, মণ্ডল, জিলা, ৰজ্যিক, ৰাষ্ট্ৰীয় কাৰ্যকতা সকলৰ লগতে বিভিন্ন অভিযোগ পোনপতীয়াকৈ জনাব পাৰিব’।

দলৰ সভাপতিকে ধৰি জ্যেষ্ঠ নেতৃবৰ্গইও ৱেবচাইটো পৰ্যবেক্ষন কৰিব বুলি সভাপতিগৰাকীয়ে জনায়।

এই কাৰ্যসূচীৰ লগতে অসম প্ৰদেশ বিজেপিৰ মাহেকীয়া আলোচনী “অসমীয়া বিজেপি বাৰ্তা”ৰ অনলাইন সংস্কৰটিও পঢুৱৈৰ বাবে  মুকলি কৰা হয়।

এতিয়াৰে পৰা মুখপত্ৰখন বিশ্বৰ যিকোনো ঠাইত যিকোনো সময়ত উপলব্ধ হ’ব। পঢ়িব ইচ্ছা কৰা সকলৰ বাবে আলোচনীখন বিনামূলীয়া হ’ব বুলি জনাই ৰাজ্যিক সভাপতি দাসে।

ৰাজ্যিক বিজেপিৰ সভাপতিৰ উপস্থিতিত ভাৰতীয় জনতা পাৰ্টিৰ জ্যেষ্ঠ নেতা তথা কেন্দ্ৰীয় খাদ্য প্ৰসংস্কৰন ৰাজ্য মন্ত্ৰী ৰামেশ্বৰ তেলীয়ে মাহেকীয়া মুখপত্ৰৰ চলিত মাহৰ সংখ্যাটি মুকলি কৰে।

উল্লেখযোগ্য যে অসমীয়া বিজেপি বাৰ্তা ৰাজ্যখনৰ সৰ্বাধিক ছপা হোৱা মাহেকীয়া আলোচনী।

বাৰ্তা আলোচনীখনৰ সম্পাদক ড০ দেৱদত্ত কটকীয়ে আঁত ধৰা অনুষ্ঠানত উপস্থিত থাকে অসম প্ৰদেশ বিজেপিৰ সাংগঠনিক সম্পাদক ফনীন্দ্ৰ নাথ শৰ্মা, বিধায়ক অশোক শৰ্মা, দিলীপ পালৰ লগতে অসম প্ৰদেশ বিজেপিৰ বিষয়ববীয়া আৰু কাৰ্যকৰ্তাসকল।