কভিড-১৯; অসমবাসীক চৰকাৰৰ নিৰ্দেশাৱলী মানি চলিবলৈ আহ্বান বক্সাৰ লাভলিনাৰ
আন্তঃৰাষ্ট্ৰীয় খ্যাতি সম্পন্ন বক্সাৰ লাভলিনা বৰগোঁহাইয়ে অসমবাসীক কভিড-১৯ৰ সংক্ৰমণৰ পৰা নিজকে বচাই ৰাখিবলৈ চৰকাৰৰ নিৰ্দেশাৱলী মানি চলিবলৈ আহ্বান জনাইছে।
আজি UNICEFৰ জৰিয়তে লাভলিনাই অসমবাসীলৈ এই আহ্বান জনায়।
টুইটাৰত MyGov Assam-এ স্বেয়াৰ কৰা এটা ভিডিঅ’ত তেওঁ কয়, ‘সকলোকে মই অনুৰোধ কৰিছো যাতে প্ৰশাসনে যি নিয়ম নিৰ্দেশখিনি বান্ধি দিছে সকলোৱে যাতে মানি চলে কাৰণ এই নিয়ম নিৰ্দেশখিনি আমাৰ সুৰক্ষাৰ কাৰণেই বান্ধি দিয়া হৈছে’।
Internationally acclaimed boxer @LovlinaBorgohai appeals to the public through @UNICEF to follow government advisories in order to keep COVID-19 at bay. @UNICEFIndia @mygovindia @IndiaSports @KirenRijiju @sarbanandsonwal pic.twitter.com/zx2WUv1sj4
— MyGov Assam (@mygovassam) April 30, 2020
‘আমি যাতে সকলোৱেই মিলি প্ৰশাসনৰ লগত থিয় দিও, প্ৰশাসনক যাতে ক’ৰ’নাৰ বিৰুদ্ধে যুঁজ দিয়াত আমি সহায় কৰো, আমি যাতে ঘৰতে থাকো আৰু সুস্থ থাকো‘ তেওঁ লগতে কয়।
উল্লেখযোগ্য যে লাভলিনা বৰগোঁহাইয়ে জৰ্ডানৰ আম্মানত অনুষ্ঠিত এছিয়ান অলিম্পিক কোৱালিফায়িং বক্সিং টুৰ্ণামেণ্টৰ ছেমি ফাইনেলত প্ৰৱেশ কৰি ৬৯ কেজি শাখাত টকিঅ’ অলিম্পিকলৈ যোগ্যতা অৰ্জন কৰিছিল।
আনহাতে ক’ৰ’না ভাইৰাছৰ সংহাৰৰ প্ৰতি লক্ষ্য ৰাখি অলিম্পিক আয়োজক সমিতিয়ে এই বছৰ অনুষ্ঠিত হ’ব লগীয়া অলিম্পিক পিছুৱাই অহা বছৰৰ ২১ জুলাইৰ পৰা অনুষ্ঠিত কৰাৰ সিদ্ধান্ত লৈছিল। কিন্তু অহা বছৰো যদি ক’ৰ’নাৰ সংহাৰ অব্যাহত থাকে তেন্তে ইয়াক বাতিল কৰাৰ সম্ভাৱনা আছে।
ইপিনে আজিলৈকে অসমত কোভিড-১৯ ত আক্ৰান্তৰ সংখ্যা ৪১ জনলৈ বৃদ্ধি পাইেছ। ইতিমধ্যে ২৯ জনে এই ৰোগৰ পৰা আৰোগ্য লাভ কৰি চিকিৎসালয়ৰ পৰা মুক্তি লাভ কৰাৰ লগতে ১১টা পজিটিভ কেচ আছে।