বোকাখাতত কাজিৰঙা নিউজ নেটৱৰ্কৰ উদ্যোগত সম্বৰ্ধনা অনুষ্ঠান

বোকাখাতৰ কাজিৰঙা নিউজ নেটৱৰ্কৰ উদ্যোগত আজি বোকাখাতৰ বিশিষ্ট উদ্যোগপতি, সমাজসেৱক ৰাজেন্দ্ৰ প্ৰসাদ নিমোদিয়াক সম্বৰ্ধনা জনোৱাৰ লগতে এখন অভিনন্দন গ্ৰন্থ উন্মোচন কৰে।

কাজিৰঙা নিউজ নেটৱৰ্কৰ উদ্যোগত স্থানীয় সত্যনাৰায়ন সেৱা সদনত আয়োজিত এই অনুষ্ঠানত ৰাজেন্দ্ৰ প্ৰসাদ নিমোদিয়াৰ লগতে অৱসৰ প্ৰাপ্ত প্ৰশাসনিক বিষয়া শ্যামভদ্ৰ মেধি, সাহিত্যিক পেঞ্চনাৰ অন্নদা শইকীয়া, আপকুৰ প্ৰতিষ্ঠাপক সভাপতি ভৱেশ শইকীয়া, পুৱতি সাহিত্য সভাৰ সভাপতি অপূৰ্ব বৰদলৈ, অসম বিধানসভাৰ প্ৰাক্তন উপাধ্যক্ষ বলোভদ্ৰ তামুলী, বোকাখাতৰ প্ৰাক্তন বিধায়ক অৰুণ ফুকনৰ উপৰিও বিভিন্ন দল সংগঠনৰ লগতে নিমোদিয়া পৰিয়ালৰ সমূহ সদস্য উপস্থিত থাকে।

বৰ্ষাগ্নি ডেকাৰ বৰগীতেৰে আৰম্ভ হোৱা অনুষ্ঠানৰ আঁত ধৰে কাজিৰঙা নিউজ নেটৱৰ্কৰ প্ৰদ্যুত মহন্তই ৷ অনুষ্ঠানত উপস্থিত থকা ব্যক্তিসকলে ৰাজেন্দ্ৰ নিমোদিয়াৰ কৰ্ম জীৱনৰ বিভিন্ন দিশৰ ওপৰত আলোকপাত কৰি ভাষণ প্ৰদান কৰে।

অনুষ্ঠানত কাজিৰঙা নিউজ নেটৱৰ্কে ৰাজেন্দ্ৰ নিমোদিয়াক লৈ প্ৰকাশ কৰা কৰ্মপ্ৰাণ নামৰ অভিনন্দন গ্ৰন্থখন উন্মোচন কৰে শ্যামভদ্ৰ মেধিয়ে।