এতিয়াৰ পৰা নচলিব ম’হ যুঁজৰ পৰম্পৰা : অসম চৰকাৰে দিয়া অনুমতি বাতিল গুৱাহাটী উচ্চ ন্যায়ালয়ৰ

ৰাজ্যত ম’হ আৰু বুলবুল চৰাইৰ যুঁজৰ অনুমতি দিয়া অসম চৰকাৰৰ ষ্টেণ্ডাৰ্ড অপাৰেটিং প্ৰচিডিউৰ বাতিলৰ নিৰ্দেশ দিছে গুৱাহাটী উচ্চ ন্যায়ালয়ে।

পিপল ফৰ দ্য এথিকেল ট্ৰিটমেণ্ট অৱ এনিমেলছ (পেটা) ইণ্ডিয়াই দাখিল কৰা আবেদনৰ পিছতে এই নিৰ্দেশ দিছে আদালতে।

আদালতে ৰায় দিয়ে যে ২০২৩ চনৰ ২৭ ডিচেম্বৰৰ চৰকাৰী এছ অ’ পিয়ে ১৯৬০ চনৰ পশুৰ ওপৰত নিষ্ঠুৰতা প্ৰতিৰোধ আইন আৰু ১৯৭২ চনৰ বন্যপ্ৰাণী সুৰক্ষা আইন উলংঘা কৰিছে।

এই ৰায়দানত ২০১৪ চনত ভাৰতীয় পশু কল্যাণ ব’ৰ্ড বনাম এ নাগাৰাজা গোচৰত উচ্চতম ন্যায়ালয়ৰ ৰায়দানৰ উল্লেখ কৰি ম’হ আৰু বুলবুলি যুঁজত নিষেদ্ধাজ্ঞা আৰোপ কৰিছে উচ্চ ন্যায়ালয়ে।

উল্লেখ্য যে প্ৰতি বছৰে মাঘ বিহু উদযাপনৰ সময়ত ৰাজ্যজুৰি এই পশু যুঁজৰ আয়োজন কৰা হয়। অতীজৰে পৰা চলি অহা এই পৰম্পৰা হয়তো পৰৱৰ্তী সময়ত নোহোৱা হৈ পৰিব।