কোভিড সচেতনতা সৃষ্টিৰ প্ৰয়াস: স্বাস্থ্যমন্ত্ৰীয়ে মুকলি কৰিলে ‘বিয়ণ্ড কোভিড—নিউ নৰ্মেল ফৰ আৰবান পপুলেছন’
কোভিডৰ সংহাৰী ৰূপ প্ৰত্যক্ষ কৰাৰ পিছতো আজিও চহৰ-নগৰৰ বহু লোক সচেতন হোৱা নাই।
সেইবাবেই চহৰবাসীক কোভিড সম্পৰ্কে অডিঅ’-ভিজুৱেলৰ মাধ্যমেৰে সজাগ কৰাৰ উদ্দেশ্যে আজি অসমৰ স্বাস্থ্যমন্ত্ৰী কেশৱ মহন্তই আনুষ্ঠানিক ভাবে মুকলি কৰে ‘বিয়ণ্ড কোভিড—নিউ নৰ্মেল ফৰ আৰবান পপুলেছন’ শীৰ্ষক এক মাল্টিমিডিয়া ডকুমেণ্ট।
ডঃ মনামিকা ৰায় মেম’ৰিয়েল ট্ৰাষ্টে দীৰ্ঘদিনীয়া গৱেষণা তথা পৰ্যবেক্ষণৰ অন্তত প্ৰস্তুত কৰা এই ৩০ পৃষ্ঠাৰ মাল্টিমিডিয়া ডকুমেণ্টত চহৰাঞ্চলৰ লোকে কোভিড পৰিস্থিতিত কৰি অহা কেতবোৰ আচৰণৰ কথা কাৰ্টুনৰ মাধ্যমেৰে দাঙি ধৰা হৈছে।
একাংশ লোকৰ কেতবোৰ অবিবেচক কাৰ্যই কিদৰে নিজৰ লগতে আনৰ বাবেও বিপদ কঢ়িয়াই আনিব পাৰে সেয়া মাল্টিমিডিয়া ডকুমেণ্টত সুন্দৰ ভাবে ফুটাই তোলা হৈছে।
ইয়াৰ বাবে মাল্টিমিডিয়া ডকুমেণ্টত কোভিডৰ ক্ষেত্ৰত মহানাগৰিকে কৰি অহা বিপজ্জনক আচৰণসমূহক ‘Covidiot’ বুলি কোৱা হৈছে। একেদৰে কোভিড পৰিস্থিতিত মানুহে কৰা বিবেচক আচৰণক ‘Covideal’ বুলি কোৱা হৈছে।
এই মাল্টিমিডিয়া ডকুমেণ্ট প্ৰস্তুত কৰোতে গুৱাহাটী মহানগৰীৰৰ বিভিন্ন প্ৰান্তৰ বহু লোকৰ আচৰণ সম্পৰ্কীয় অধ্যয়ন চলোৱা হৈছিল।
‘বিয়ণ্ড কোভিড—নিউ নৰ্মেল ফৰ আৰবান পপুলেছন’ শীৰ্ষক এক মাল্টিমিডিয়া ডকুমেণ্ট প্ৰস্তুত কৰাৰ ক্ষেত্ৰত ইউনিচেফ, অসমৰ লগতে অসমৰ ৰাষ্ট্ৰীয় স্বাস্থ্য অভিযান তথা অসমৰ স্বাস্থ্য সেৱা সঞ্চালকালয়েও সহযোগিতা আগবঢ়াইছে।
‘বিয়ণ্ড কোভিড—নিউ নৰ্মেল ফৰ আৰবান পপুলেছন’ শীৰ্ষক এক মাল্টিমিডিয়া ডকুমেণ্টে জনসাধাৰণৰ মাজত কোভিড সচেতনতা বৃদ্ধি কৰিবলৈ সক্ষম হ’ব বুলি ধাৰণা কৰা হৈছে।
You may also like
মুম্বাই চিটি এফ চিৰ সৈতে চুক্তিবদ্ধ মণিপুৰৰ ফুটবলাৰ টণ্ডোনবা সিং
মুম্বাই চিটি এফ চিৰ সৈতে দুবছৰৰ বাবে চুক্তিবদ্ধ হৈছে মণিপুৰৰ ডিফেণ্ডাৰ টণ্ডোনবা সিং। নেৰোকা এফ চিৰ সৈতে নিজৰ ফুটবল কেৰিয়াৰ আৰম্ভ কৰা…
আন্তঃৰাষ্ট্ৰীয় ক্ৰিকেটক বিদায় জনালে মহান কিৱি বেটছমেন কেন উইলিয়ামছনে
নিউজিলেণ্ড ক্ৰিকেট দলৰ প্ৰাক্তন অধিনায়ক তথা মহান বেটছমেন কেন উইলিয়ামছনে হঠাতে আন্তঃৰাষ্ট্ৰীয় ক্ৰিকেটৰ পৰা সম্পূৰ্ণ অৱসৰ গ্ৰহণ কৰাৰ কথা ঘোষণা কৰিছে। বৰ্তমান…
প্ৰতিষ্ঠান বিৰোধী ঢৌ চম্ভালাৰ চেষ্টা! গুজৰাটত একেলগে ২৬ জন নতুন মন্ত্ৰী; জাডেজাৰ পত্নীলৈও মন্ত্ৰিত্ব
দুবছৰৰ অন্তত ৰাজ্যত অনুষ্ঠিত হ’ব বিধানসভা নিৰ্বাচন। তাৰ পূৰ্বে গুজৰাটৰ মন্ত্ৰীসভাৰ সালসলনি কৰা হৈছে। জানিব পৰা মতে শুকুৰবাৰে গুজৰাটৰ নতুন মন্ত্ৰীসকলে শপত…
অসমক আন্তঃৰাজ্যিক পাৰপত্ৰ প্ৰদান কৰাৰ দাবী কোকৰাঝাৰৰ সাংসদ নৱ শৰণীয়াৰ
অসম চুক্তিক ৰূপায়ন নকৰাকৈ অসমীয়াৰ আহ্বানক গুৰুত্ব নিদি কেন্দ্ৰ চৰকাৰে নাগৰিকত্ব সংশোধনী বিধেয়কক আইনত পৰিণত কৰাৰ ফলত অসমত তীব্ৰ প্ৰতিবাদ হৈছে বুলি…