অসম হাই মাদ্ৰাছাৰ ফলাফল ঘোষণা : প্ৰথম স্থানত বৰপেটাৰ ইয়ামিন আলী

হাইস্কুল শিক্ষান্ত পৰীক্ষাৰ সমান্তৰালকৈ আজি অসম হাই মাদ্ৰাছাৰ ফলাফলো ঘোষণা কৰা হৈছে।

হাই মাদ্ৰাছাৰ প্ৰথম স্থান লাভ কৰিছে বৰপেটাৰ ইয়ামিন আলীয়ে।

বৰপেটাৰ ঢকুৱা হাই মাদ্ৰাছাৰ পৰা ৫৫৮ নম্বৰ লাভ কৰি শীৰ্ষস্থান স্থানত  থাকে ইয়ামিন।

দ্বিতীয় স্থান লাভ কৰিছে কামৰূপ গ্রাম্যৰ SAB হাই মাদ্ৰাছাৰ আফছানা য়াছমিনে। তেওঁ লাভ কৰিছে সৰ্বমুঠ ৫৫২ নম্বৰ।

আনহাতে, তৃতীয় স্থানত কোকৰাঝাৰৰ নৱজ্যোতি হাই মাদ্ৰাছাৰ ৰচিদুল আলি এছ কে। তেওঁ লাভ কৰিছে সৰ্বমুঠ ৫৫১ নম্বৰ।

হাই মাদ্ৰাছাত প্ৰথম বিভাগত উত্তীৰ্ণ হৈছে ৭১২ গৰাকী পৰীক্ষাৰ্থী।

সেইদৰে, দ্বিতীয় বিভাগত ২৬৩৯ গৰাকী আৰু তৃতীয় বিভাগত ২৬০০ গৰাকী পৰীক্ষাৰ্থী উত্তীৰ্ণ হৈছে।

এই পৰীক্ষাত সৰ্বমুঠ ৫৯৫১ গৰাকী পৰীক্ষাৰ্থী উত্তীৰ্ণ হৈছে।

মুঠ উত্তীৰ্ণৰ হাৰ ৬৩.৬৭ শতাংশ। ইয়াৰে ৬৫.২৫% শতাংশ ছাত্ৰ আৰু ৬২.৬২% শতাংশ ছাত্ৰী।

এইবাৰ হাই মাদ্ৰাছাত সৰ্ব মুঠ ৯৩৪৭ গৰাকী পৰীক্ষাৰ্থী অৱতীৰ্ণ হৈছিল।