প্ৰধান মন্ত্ৰীক সমৰ্থন অসম আৰক্ষীৰ; জনসাধাৰণক এবাৰ ব্যৱহাৰ্য্য প্লাষ্টিক বৰ্জন কৰাৰ আহ্বান
প্ৰধান মন্ত্ৰী নৰেন্দ্ৰ মোদীৰ প্লাষ্টিকৰ বিৰুদ্ধে যুদ্ধক সমৰ্থন কৰি অসম আৰক্ষীয়ে জনসাধাৰণক এবাৰ ব্যৱহাৰ্য্য প্লাষ্টিক বৰ্জন কৰাৰ বাবে আহ্বান জনাইছে।
এটা টুইটাৰত অসম আৰক্ষীয়ে কয় ‘‘পৃথিৱীখন আমাৰ সকলোৰে। আমি বাস কৰা পৃথিৱীখনক ৰক্ষা কৰাটো প্ৰতিগৰাকী লোকৰে দায়িত্ব আৰু কৰ্তব্য’’।
‘‘আহক সকলোৱে একেলগে প্ৰধান মন্ত্ৰী নৰেন্দ্ৰ মোদী ডাঙৰীয়াৰ এবাৰ ব্যৱহাৰ্য্য প্লাষ্টিক বৰ্জন কৰা আহ্বানৰ সৈতে আগবাঢ়ো। ৰিডিউছ, ৰিমোভ এণ্ড ৰিচাইকল #চে ন’ টু প্লাষ্টিক,’’ টুইটাৰত লগতে কয়।
The Earth, is all we have in common.
It's our collective & individual responsibility to preserve the world, we live in.
Let's come together to heed Hon'ble PM Shri @narendramodi ji's call & shun single use plastic.
Reduce, Remove & Recycle. #SayNoToPlastic pic.twitter.com/gj8vTVgqn4
— Assam Police (@assampolice) November 22, 2019
মূলত জনসাধাৰণৰ মাজত পৰিবেশ সম্পৰ্কীয় সজাগতা বৃদ্ধি কৰাৰ বাবে অসম আৰক্ষীয়ে এনেধৰণে টুইট কৰিছে।
উল্লেখযোগ্য যে, অসম আৰক্ষীয়ে সময়ে সময়ে বিভিন্ন মনোগ্ৰাহী টুইটেৰে জনসাধাৰণৰ দৃষ্টি আকৰ্ষণ কৰিবলৈ সক্ষম হৈছে।
কিছুমাহ পূৰ্বে গোৱালপাৰাত জব্দ হোৱা ড্ৰাগছৰ বিষয়ে এটা টুইট কৰি সমগ্ৰ বিশ্বৰ দৃষ্টি আকৰ্ষণ কৰিছিল অসম আৰক্ষীয়ে।
তাৰোপৰি, হেলমেট নিপিন্ধা দুচকীয়া বাহন চালক সকলকো সতৰ্ক কৰাৰ বাবে জনপ্ৰিয় হিন্দী চলচ্চিত্ৰ কবীৰ সিঙৰ প্ৰসংগেৰে টুইট কৰিছিল অসম আৰক্ষীয়ে।