NRC-ত নাম বাদ পৰা ভাৰতীয়ক বিচাৰি শদিয়াৰ পৰা ধুবুৰীলৈ কংগ্ৰেছৰ ৫৭জনীয়া দলৰ অভিযান
অসম প্ৰদেশ কংগ্ৰেছে সদ্য প্ৰকাশিত এন আৰ চিৰ পৰা নাম বাদ পৰা সকলো ভাৰতীয় নাগৰিকক সহায়ৰ বাবে শদিয়াৰ পৰা ধুবুৰীলৈ এটা অভিযান চলাব।
অভিযানত বিভিন্ন অঞ্চলৰ নাম বাদ পৰা লোকসকলক পোনপটীয়াকৈ লগ কৰি তেওঁলোকক যথোচিত দিবা-পৰামৰ্শ আগ বঢ়োৱা হ’ব। তাৰ বাবে এটা ৫৭জনীয়া দল ঠিক কৰা হৈছে।
আজি ৰাজীৱ ভৱনত অনুষ্ঠিত এখন সংবাদমেলত প্ৰদেশ কংগ্ৰেছৰ সভাপতি ৰিপুণ বৰাই দলটোৰ এই কাৰ্য্যসূচীৰ কথা প্ৰকাশ কৰে।
অহা ১৩ ছেপ্টেম্বৰত দলটো বাছেৰে প্ৰথমে ৰাজীৱ ভৱনৰ পৰা তিনিচুকীয়াৰ দিশে ৰাওনা হ’ব।
“যেতিয়ালৈকে নাম বাদ পৰা ভাৰতীয় লোকৰ শেষৰজনৰ নাম NRC-ত নাহে তেতিয়ালৈকে আমি সহায় কৰি যাম” সভাপতি বৰাই সংবাদমেলত কয়।
উল্লেখযোগ্য যে প্ৰদেশ বিজেপিয়েও এন আৰ চিৰ পৰা নাম বাদ পৰা ভাৰতীয় নাগৰিকসকলক সহায় কৰাৰ বাবে অভিযান চলোৱাৰ কথা সদৰী কৰিছিল।
“ভাৰতীয় জনতা পাৰ্টীৰ ৪০ লাখ কৰ্মকৰ্তাক তন-মন-ধন সমৰ্পণ কৰি বিদেশী ন্যায়াধিকৰণৰ পৰা প্ৰকৃত ভাৰতীয়ক উলিয়াই আনিবৰ বাবে আহ্বান জনাইছো” এন আৰ চি প্ৰকাশৰ পিছ মুহূৰ্ততে এখন সংবাদমেলত প্ৰদেশ বিজেপিৰ সভাপতি ৰঞ্জিত দাসে এই মন্তব্য কৰিছিল।
You may also like
হৃদতন্ত্ৰৰ ৰোগ : কাৰণ, লক্ষণ আৰু প্ৰতিকাৰ
হৃদযন্ত্ৰৰ ৰোগ হৈছে এটা গুৰুতৰ স্বাস্থ্য সমস্যা। শেহতীয়াকৈ দেশত ভয়ানকভাবে বৃদ্ধি পাইছে হৃদৰোগত মৃত্যু হোৱা লোকৰ সংখ্যা। ইয়াৰে অধিকাংশৰেই বয়স ৫০ বছৰতকৈ…
মোদীৰ নতুন মন্ত্ৰীসভাখন: কোনে কি পালে দপ্তৰ, সৰ্বানন্দ সোণোৱাল,কিৰেণ ৰিজিজুৱে কি পালে,দপ্তৰসহ ৪৩ মন্ত্ৰীৰ সম্পূৰ্ণ তালিকা
প্ৰধানমন্ত্ৰী নৰেন্দ্ৰ মোদীয়ে কালি তেওঁৰ মন্ত্ৰীসভাৰ সম্প্ৰসাৰণ ঘটায়। সেইমৰ্মে মোদীৰ নতুন মন্ত্ৰীসভাত স্থান লাভ কৰে ৪৩ গৰাকীকৈ মন্ত্ৰীয়ে। ইয়াৰে বহুতেই্ আগৰে পৰা…
ৰাষ্ট্ৰীয় উদ্যানৰ পৰা ওলাই অহা গঁড়ৰ আক্ৰমণত আহত এজন লোক; দলগাঁৱত আতংক
শনিবাৰে দৰং জিলাৰ ওৰাং ৰাষ্ট্ৰীয় উদ্যানৰ পৰা ওলাই অহা দুটা এশিঙীয়া গঁড়ে ওচৰৰে দলগাঁৱৰ চৰাঞ্চলৰ গাঁওত প্ৰৱেশ কৰি স্থানীয় বাসিন্দাৰ মাজত আতংকৰ…
নিয়মিত খোজ কাঢ়িলে পিঠিৰ বিষৰ পৰা উপশম পায়! গৱেষণাই কি কয়? জানি আচৰিত হ’ব আপুনি
আপুনি প্ৰতিদিনে পিঠিৰ বিষত ভুগিছে নেকি? আজিকালি বেছিভাগ মানুহেই ঘণ্টাৰ পিছত ঘণ্টা অফিচত চকীত বহি কাম কৰে। ফলত পিঠিৰ বিষ হোৱাটো স্বাভাৱিক।…