অৰুণাচলৰ টিৰাপ জিলাত অসম ৰাইফলছ আৰু এন এছ চি এন(কে)ৰ মাজত প্ৰচণ্ড গুলিয়াগুলী
অৰুণাচল প্ৰদেশৰ টিৰাপ জিলাৰ অন্তৰ্গত ৱাংচুৰ চেংককৰ ঘন অৰণ্যত আজি পুৱা ৬ নং অসম ৰাইফলছ আৰু এন এছ চি এন (কে) গোটৰ মাজত সংঘটিত হয় ভয়ংকৰ গুলিয়াগুলীৰ ঘটনা।
গোপন সূত্ৰৰ পম খেদি ৬ নং অসম ৰাইফলছৰ এটা বৃহৎ দলে ঘন অৰণ্যত অভিযান চলাই এজন এন এছ চি এন ( কে) গোটৰ দুধৰ্ষ কেডাৰক সংঘৰ্ষত গুলিয়াই নিহত কৰে।
মৃত কেডাৰ জনৰ নাম গানজন ৱাংছা বুলি জানিব পৰা গৈছে।
কেডাৰ গৰাকীৰ পৰা সেনাই এটা পিষ্টল সহ বহু বিস্ফোৰক সামগ্ৰী উদ্ধাৰ কৰিছে।
নগা উগ্ৰপন্থী এন এছ চি এন(কে)ৰ এটা ১০-১২ জনীয়া দলে উক্তস্থানত আত্মগোপন কৰি থকাৰ তথ্য লাভ কৰিয়ে এই অভিযান চলাইছিল যদিও ঘন অৰণ্যৰ সুযোগ লৈ উগ্ৰপন্থী দলটোৰ আন আন কেডাৰ সকল পলাই হাৰিবলৈ সক্ষম হয়।
অন্যহাতে বৰ্তমানেও অঞ্চলটোত সেনাই উগ্ৰপন্থীৰ বিৰুদ্ধে অভিযান অব্যাহত ৰাখিছে বুলি জানিব পৰা।
উল্লেখ্য যে কিছুদিন পূৰ্বে সেনাই অৰুণাচল প্ৰদেশৰ চাংলাং জিলাত সেনাৰ এখন পানী টেংকাৰৰ এম্বুচ কৰি এজন ভাৰতীয় সেনা নিহত কৰাৰ লগতে আন এজন সেনা জোৱান এই এম্বুচৰ গুৰুতৰ ভাৱে আঘাত প্ৰাপ্ত হৈছিল।
ইয়াৰ পাছৰে পৰা সেনাই উগ্ৰপন্থী বিৰুদ্ধে নিয়মীয়াকৈ অভিযান অব্যাহত ৰাখিছে বুলি সূত্ৰত প্ৰকাশ।