স্তব্ধ হোৱা নাই অসমত কৰ’নাৰ সংক্ৰমণ; আজি ৰাজ্যখনত পুনৰ ১৩৬৭গৰাকী লোক আক্ৰান্ত
অসমত কৰ’নাৰ দ্বিতীয়টো ঢৌৱে এতিয়া উদ্বেগজনক পৰিস্থিতিৰ সৃষ্টি কৰিছে। ৰাজ্যখনত আজি নতুনকৈ ১৩৬৭গৰাকী লোকৰ কোভিড-১৯ পজিটিভ ধৰা পৰিছে।
স্বাস্থ্যমন্ত্ৰী হিমন্ত বিশ্ব শৰ্মাই প্ৰকাশ কৰা অনুসৰি শেহতীয়াকৈ কৰা ৬৫,৪১০ টা কোভিড পৰীক্ষাত ১৩৬৭ গৰাকী লোক কোভিডত আক্ৰান্ত হোৱা বুলি নিশ্চিত কৰা হয়।
ৰাজ্যত এতিয়া কোভিড পজিটিভিটিৰ হাৰ ২,০৯ শতাংশ বুলি স্বাস্থ্যমন্ত্ৰী গৰাকীয়ে প্ৰকাশ কৰে।
সেইদৰে কামৰূপ মহানগৰ জিলাত বিগত ২৪ ঘণ্টাত ৪৮২ গৰাকী লোক কোভিডত আক্ৰান্ত হৈছে।
আজিৰ দিনটোত ৰাজ্যখনত কোনো কৰ’না ৰোগীৰ মৃত্যু হোৱাৰ খৱৰ চৰকাৰীভাৱে প্ৰকাশ কৰা হোৱা নাই।
ইপিনে, দেওবাৰে ৰাজ্যখনত ৬৩৯ গৰাকী লোক কৰ’নাত আক্ৰান্ত হৈছিল। এই দিনটোত ৬গৰাকী লোকৰ মৃত্যু হোৱা বুলি চৰকাৰীভাৱে নিশ্চিত কৰা হৈছিল।
দেওবাৰৰ দিনটোত অকল কামৰূপ মহানগৰ জিলাতে ৩৫৪গৰাকী লোক কোভিড-১৯ত আক্ৰান্ত হৈছিল।
আনহাত, শনিবাৰে অসমত ৮৭৬ গৰাকী লোক কোভিডত আক্ৰান্ত হৈছিল।
সেইদৰে, উক্ত দিনা অকল কামৰূপ মহানগৰ জিলাতে ৩৬০ গৰাকী লোক কোভিডত আক্ৰান্ত হৈছিল। তদুপৰি, সেইদিনটোত কোভিডত আক্ৰান্ত হৈ দুগৰাকী লোকৰ মৃত্যু ঘটিছিল।