১২ টা নতুন “চন্দ্ৰ”! মহাকাশত বৃহস্পতিক কেন্দ্ৰ কৰি মহাবিস্ময়ৰ সন্ধান লাভ জ্যোতিবিজ্ঞানীৰ

সৌৰজগতৰ সৰ্ববৃহৎ গ্ৰহ বৃহস্পতিৰ কক্ষপথত আৰু ১২ টা উপগ্ৰহ আৱিষ্কাৰ কৰা হৈছে। আমেৰিকান জ্যোতিৰ্বিজ্ঞানীসকলে শেহতীয়াকৈ সেইবোৰ আৱিষ্কাৰ কৰিছে। ইমান দিন ধৰি উপগ্ৰহৰ সংখ্যাৰ ক্ষেত্ৰত শনি শীৰ্ষত আছিল। এই আৱিষ্কাৰৰ পিছত বৃহস্পতিয়ে শনিৰ খিতাপ কাঢ়ি ল’লে।

জ্যোতিৰ্বিজ্ঞানীসকলৰ মতে, ৮৩ টা উপগ্ৰহই  শনিক প্ৰদক্ষিণ কৰি আছে। কিন্তু এতিয়া সৌৰজগতৰ আটাইতকৈ বেছি উপগ্ৰহ আছে বৃহস্পতিৰ। নতুনকৈ আৱিষ্কৃত ১২ টা উপগ্ৰহকে ধৰি মুঠ ৯২ টা উপগ্ৰহ বৃহস্পতিৰ চাৰিওফালে প্ৰদক্ষিণ কৰি আছে।

ৱাশ্বিংটনৰ কাৰ্নেগী ইনষ্টিটিউচন ফৰ চাইন্সৰ জ্যোতিৰ্বিজ্ঞানী স্কট শ্বেপৰ্ডৰ নেতৃত্বত এটা বিশেষ দলে এই ১২ টা উপগ্ৰহৰ সন্ধান পাইছে। শেহতীয়াকৈ আমেৰিকাৰ ‘মাইনৰ প্লেনেট চেণ্টাৰ’ৰ পৰা এই বিষয়ে বিতং তথ্যৰ সৈতে এক প্ৰতিবেদন প্ৰকাশ কৰা হৈছে।

প্ৰতিবেদন অনুসৰি, বৃহস্পতি গ্ৰহৰ সেই উপগ্ৰহবোৰ আকাৰত অতি ক্ষুদ্ৰ। আমেৰিকাৰ মাহেকীয়া কাকত ‘স্কাই এণ্ড টেলিস্কোপ’ৰ মতে, এই ১২ টা উপগ্ৰহই কক্ষপথৰ পিনে মুখ কৰি বৃহস্পতি গ্ৰহৰ চাৰিওফালে প্ৰদক্ষিণ কৰি আছে।

আমেৰিকা যুক্তৰাষ্ট্ৰৰ মহাকাশ গৱেষণা সংস্থা নাছাই জোভিয়ান পৃথিৱীত অধিক বিৱৰণ অন্বেষণ কৰিবলৈ তৎপৰতা প্ৰদৰ্শন কৰি আহিছে। তাৰেই পূৰ্বে এই ১২ টা উপগ্ৰহ আৱিষ্কাৰ হ’ল।