যাত্ৰীবাহী গাড়ী আৰু ট্ৰাকৰ ভয়ানক সংঘৰ্ষ; ছত্তীশগড়ত ৯ জন নিহত, আহত ২৩ জন
মাজনিশা ছত্তীশগড়ত গাড়ী আৰু ট্ৰাকৰ সংঘৰ্ষৰ ফলত সংঘটিত হৈছে এক ভয়ানক পথ দুৰ্ঘটনা। তীব্ৰ গতিৰ বাবে ৯ জন লোক নিহত হোৱাৰ লগতে আহত হয় আন ২৩জন লোক।
আৰক্ষীৰ সূত্ৰ অনুসৰি দেওবাৰে মাজনিশা বেমেতাৰা জিলাৰ কঠিয়া গাঁৱৰ সমীপত সংঘটিত হয় এই দুৰ্ঘটনা।
এক পাৰিবাৰিক অনুষ্ঠানৰ পৰা উভতি আহিছিল গাড়ীখনৰ যাত্ৰীসকল। হঠাৎ নিয়ন্ত্ৰণ হেৰুৱাই পথৰ কাষত থিয় হৈ থকা এখন মিনি ট্ৰাকৰ পিছফালে প্ৰচণ্ড খুন্দা মাৰে। তাৰ পিছত গাড়ীখন উলটি পৰে।
দুৰ্ঘটনাত থিতাতে মৃত্যু হয় ৯ জন লোকৰ। নিহতসকলৰ ভিতৰত আছে পাঁচগৰাকী মহিলা আৰু তিনিটা শিশু।
Chhattisgarh | Death toll in Bemetara accident rises to 9
9 people died and 23 are injured and have been shifted to the hospital for treatment: Ranveer Sharma, Collector Bemetara https://t.co/MyiVmMm68l
— ANI (@ANI) April 29, 2024
আৰক্ষীয়ে আহতসকলক উদ্ধাৰ কৰি স্থানীয় চিকিৎসালয়লৈ লৈ যায়। ৪ জনৰ অৱস্থা সংকটজনক বুলি কোৱা হৈছে। তেওঁলোকক ৰায়পুৰৰ এখন চিকিৎসালয়লৈ স্থানান্তৰ কৰা হৈছে। দুৰ্ঘটনাটোৰ তদন্ত অব্যাহত আছে।