পাহাৰীয়া পথত নিয়ন্ত্ৰণ হেৰুৱাই ২৫ ফুট তলত পৰিল জীপ; কমেও ৯ জন লোকৰ মৃত্যু

পাহাৰীয়া পথত সংঘটিত হোৱা এক দুৰ্ঘটনাত কমেও ৯ জন লোকৰ মৃত্যু ঘটিছে। এই ঘটনাত আন দুজন গুৰুতৰভাৱে আহত হয়। শুকুৰবাৰে বিয়লি কেৰালাৰ ৱায়ানাডত সংঘটিত হয় এই ভয়ংকৰ দুৰ্ঘটনা।

জানিব পৰা মতে, পাহাৰীয়া পথেৰে গৈ থকা অৱস্থাত এখন জীপ বাগৰি পৰে। জীপ খন ২৫ ফুট তলত এটা খাৱৈত বাগৰি পৰে। ১১ জন যাত্ৰীৰ ভিতৰত ৯ জনৰ থিতাতে মৃত্যু হয়। ইয়াৰে অধিকাংশই মহিলা।

আৰক্ষী সূত্ৰৰ মতে, দুৰ্ঘটনাটোত জড়িত জীপখনৰ আটাইকেইজন যাত্ৰী পেছাত নিৰ্মাণ শ্ৰমিক। কামৰ অন্তত তেওঁলোকক ঘৰলৈ উভতি আহিছিল। বিয়লি প্ৰায় ৪:৩০ বজাত এটা টাৰ্ণিং লোৱাৰ সময়তে নিয়ন্ত্ৰণ হেৰুৱাই পেলায় জীপখনে। পথৰ পৰা পোনে পোনে ২৫ ফুট দ খাৱৈত পৰে। শিলৰ থকা অঞ্চলত পৰি জীপখন দুটুকুৰা হৈ পৰে। নিমিষতে মৃত্যু হয় কমেও পাঁচজন লোকৰ।

লগতে পঢ়ক: প্ৰজ্ঞানৰ চন্দ্ৰত অৱতৰণৰ ঐতিহাসিক ভিডিঅ’ ওলাল; কিমান দূৰ আগবাঢ়িলে ৰ’ভাৰ, জনালে ইছৰোৱে

স্থানীয় ৰাইজে ঘটনাৰ খবৰ পাই ততাতৈয়াকৈ ঘটনাস্থলীত উপস্থিত হয়। অৱশ্যে উদ্ধাৰ অভিযানৰ সময়ত আৰু চাৰিজন লোকৰ মৃত্যু হয়। গুৰুতৰভাৱে আহত আৰু দুজন লোকক উদ্ধাৰ কৰা হয়।

জানিব পৰা মতে, তেওঁলোক অনেৰৰ মেডিকেল কলেজ হাস্পতালত চিকিৎসাধীন হৈ আছে। আৰক্ষীৰ সূত্ৰ অনুসৰি নিহতসকলৰ ভিতৰত ৬ গৰাকী মহিলা। অৱশ্যে সকলোৰে নাম বা পৰিচয় এতিয়াও জানিব পৰা হোৱা নাই। মৃত আটাইকেইজন ৱায়ানাডৰ বাসিন্দা বুলি জনা গৈছে।

Deeply saddened by the tragic jeep accident that took the lives of many tea plantation workers in Mananthavady, Wayanad.

Have spoken to the district authorities, urging a swift response. My thoughts are with the grieving families. Wish a speedy recovery to those injured.

— Rahul Gandhi (@RahulGandhi) August 25, 2023

এই মৰ্মান্তিক দুৰ্ঘটনাৰ পিছত ৱায়ানাডৰ পাহাৰীয়া পথৰ সুৰক্ষাক লৈ প্ৰশ্ন উত্থাপন হৈছে। ৯ জন শ্ৰমিকৰ মৃত্যুৰ খবৰ পাই কেৰেলাৰ বনমন্ত্ৰী এ কে শশীধৰণে সেই স্থানলৈ যায়। অৱশ্যে এই দুৰ্ঘটনাক লৈ প্ৰশ্নৰ সন্মুখীন হৈছে কেৰালা চৰকাৰ আৰু প্ৰশাসন। এই ঘটনাৰ পিছতে ৱায়ানাডৰ সাংসদ ৰাহুল গান্ধীয়ে দুখ প্ৰকাশ কৰে। ইতিমধ্যে তেওঁ প্ৰশাসনৰ সৈতে কথাও পাতিছে।