ক’ভিদত আক্ৰান্ত অষ্ট্ৰেলিয়াৰ ক্ৰিকেট তাৰকা গ্লেন মেক্সৱেল

অষ্ট্ৰেলিয়াৰ ঘৰুৱা টি-২০ টুৰ্নামেণ্ট বিগ বেছ লীগৰ মাজতে ক’ভিদত আক্ৰান্ত হৈছে মেলবৰ্ণ ষ্টাৰ্ছৰ অধিনায়ক গ্লেন মেক্সৱেল।

এক দ্ৰুত এণ্টিজেন পৰীক্ষাত মেক্সৱেলৰ ক’ভিদ সংক্ৰমণ নিশ্চিত হয় আৰু তেওঁ এতিয়া আৰটি-পিচিআৰ ফলাফলৰ বাবে অপেক্ষা কৰি আছে বুলি মেলবৰ্ণ ষ্টাৰ্ছে প্ৰকাশ কৰিছে।

“মেলবৰ্ণ ৰেনেগেডছৰ বিৰুদ্ধে খেলৰ পিছত দ্ৰুত এণ্টিজেন পৰীক্ষাত মেক্সৱেল ক’ভিদত আক্ৰান্ত বুলি নিশ্চিত হয়। বৰ্তমান মেক্সৱেল আইচ’লেশ্যনত আছে।” মেলবৰ্ণ ষ্টাৰ্ছে এক বিজ্ঞপ্তিত এইদৰে উল্লেখ কৰে।

The Melbourne Stars can confirm that Glenn Maxwell has returned a positive rapid antigen test.

— Melbourne Stars (@StarsBBL) January 5, 2022

উল্লেখ্য যে মেক্সৱেলক ধৰি মেলবৰ্ণ ষ্টাৰ্ছৰ ১৩ জন খেলুৱৈ ক’ভিদত আক্ৰান্ত হৈছে।

উল্লেখ্য যে বিগ বেছ লীগৰ আন এটা ফ্ৰেঞ্চাইজি ব্ৰিছবেন হিটৰ কেইবাজনো খেলুৱৈও মঙলবাৰে ক’ভিদ-১৯ ৰ দ্ৰুত এণ্টিজেন পৰীক্ষাত ক’ভিদত আক্ৰান্ত হোৱা বুলি নিশ্চিত হৈছে। ইয়াৰ ফলত বিগ বেছ লীগৰ কৰ্তৃপক্ষই শেষ মুহূৰ্তত তিনিখন মেচৰ সূচী সলনি কৰিবলৈ বাধ্য হৈছিল।