অস্বাভাৱিকভাৱে এন্দুৰৰ বংশবৃদ্ধি! ভাৰতৰ পৰা এন্দুৰ মৰা দৰৱ ক্ৰয় কৰিব এইখন দেশে
অষ্ট্ৰেলিয়াত এতিয়া এন্দুৰৰ উৎপাত।
এন্দুৰৰ উৎপাতত ৰ’ব নোৱাৰি দেশখনে ভাৰতৰ পৰা এবিধ নিষিদ্ধ এন্দুৰ মৰা দৰৱ আমদানি কৰিবলৈ সিদ্ধান্ত গ্ৰহণ কৰিছে।
দেশখনৰ পূব প্ৰান্তৰত অৱস্থিত আটাইতকৈ জনবহুল ৰাজ্য নিউ চাউথ ৱেলছৰ চৰকাৰে গ্ৰহণ কৰা এই সিদ্ধান্ত অনুসৰি ভাৰতৰ পৰা Bromadiolone নামৰ পয়জনবিধ ৫,০০০ লিটাৰ আমদানি কৰাৰ সিদ্ধান্ত লৈছে।
পয়জনবিধ দেশখনত নিষিদ্ধ হৈ আছে।
অৱশ্যে দেশখনৰ ফেডাৰেল ৰেগুলেটৰে ৰাজ্যখনৰ এই সিদ্ধান্তক এতিয়াও অনুমোদন জনোৱা নাই।
ৰাজ্যখনৰ কৃষিমন্ত্ৰী আদাম মাৰ্শ্বালে জনোৱামতে, বাসস্থান আৰু কৃষিভূমিত এন্দুৰৰ উৎপাতৰ ফলত কৃষকসকলে আৰ্থিক আৰু সামাজিক বিপৰ্যয়ৰ সম্মুখীন হৈছে।
তদুপৰি এন্দুৰৰ অস্বাভাৱিক বৃদ্ধিয়ে প্লে’গৰ দৰে মহামাৰীও বিয়পোৱাৰ আশংকা আছে।
ইতিমধ্যে এন্দুৰৰ পৰা বিয়পা বিভিন্ন ব্যাধিৰো খবৰ আহিছে কেইবাখনো ৰাজ্যৰ পৰা।
নিউ চাউথ ৱেলছে ইতিমধ্যে এন্দুৰৰ পৰা ক্ষতিগ্ৰস্ত হোৱা কৃষকসকললৈ ৫০ মিলিয়ন ডলাৰৰ এটা পেকেজ ঘোষণা কৰিছে।
বিশেষজ্ঞসকলে কৈছে যে যোৱা কেইবাটাও বৰ্ষত দেশখনে যথেষ্ট পৰিমাণৰ বৃষ্টিপাতৰ সন্মুখীন হৈছে।
যাৰ ফলত এন্দুৰৰ বংশবৃদ্ধিৰ বাবে উপযোগী শস্যৰে দেশখন ভৰি পৰিছে।
You may also like
আজি বৰপেটাৰ তিনিগৰাকী হেভিৱেইট প্ৰাৰ্থীয়ে দাখিল কৰিব মনোনয়ন
অহা ২৩ এপ্ৰিলত অনুষ্ঠিত হ’ব লগীয়া তৃতীয় পৰ্যায়ৰ লোকসভা নিৰ্বাচনত অতিকৈ গুৰুত্বপূৰ্ণ হিচাপে বিবেচিত হোৱা ৰাজ্যৰ অন্যতম সমষ্টি ৬নং বৰপেটা লোকসভা সমষ্টিৰ…
পথাৰতে শুকাইছে বিঘাই বিঘাই কুঁহিয়াৰ খেতি; মাজুলীত সংকটৰ গৰাহত খেতিয়ক
বৰ্তমান চলি থকা ল’কডাউনৰ ফলত মহা সংকটত পৰিছে মাজুলী ভকতচাপৰিৰ কুঁহিয়াৰ খেতিয়কসকল। যোৱা এপষেক ধৰি কাম-বন, বজাৰ-সমাৰ সকলো বন্ধ হৈ পৰাত অঞ্চলটোৰ…
বিবুধিত চিকিৎসা বিজ্ঞানী: চীনত পুনৰ ক’ৰ’ণাত আক্ৰান্ত দুগৰাকীকৈ ৰোগমুক্ত লোক!
বিশ্বত ত্ৰাসৰ সৃষ্টি কৰা মাৰাত্মক ক’ৰ’ণা ভাইৰাছত যিসকল লোক আক্ৰান্ত হৈ ৰোগমুক্ত হৈছে তেওঁলোকে পুনৰ এই ৰোগ বিধত আক্ৰান্ত হোৱাৰ তিলমানো আশংকা…
‘Z’ চিকিউৰিটী অগ্ৰাহ্য ওৱেইচিৰ, অভিযুক্তৰ বিৰুদ্ধে UAPA ৰ অধীনত গোচৰ ৰুজুৰ দাবী
বৃহস্পতিবাৰে এআইএমআইএমৰ সদস্য আসাদুদ্দিন ওৱেইচিৰ ওপৰত হোৱা আক্ৰমণৰ পিছত চৰকাৰে আগবঢ়োৱা ‘Z’ নিৰাপত্তা আৱৰণ প্ৰত্যাখ্যান কৰিছে ওৱেইচিয়ে। লোকসভাত ভাষণ প্ৰদান কৰি ওৱেইচিয়ে…