আৰক্ষীৰ স্মৃতি দিৱসৰ লগত সংগতি ৰাখি কৃষ্ণাইৰ ৰাজপথত আৰক্ষীৰ বেনপাৰ্টিৰ প্ৰদৰ্শন

সমগ্ৰ দেশতে অহা ২১ অক্টোবৰ তাৰিখে আৰক্ষীৰ স্মৃতি দিৱস উদ্‌যাপন কৰা হ’ব। দেশ আৰু জাতিৰ স্বাৰ্থত আত্ম বলিদান দিয়া বীৰ জোৱান সকলক শ্ৰদ্ধাঞ্জলি জনোৱাৰ লগতে কৰ্মৰত আৰক্ষীৰ লোক সকলক সাহস আৰু প্ৰেৰণা জগোৱাৰ উদ্দেশ্যে আহা ২১ অক্টোৱৰত সমগ্ৰ ভাৰতবৰ্ষতে অনুষ্ঠিত হ’ব আৰক্ষীৰ এই স্মৃতি দিৱস।

অসমতো এই দিৱস উদযাপনৰ বাবে আৰক্ষী বিভাগে প্ৰস্তুতি চলাইছে। এই স্মৃতি দিৱসৰ লগত সংগতি ৰাখি গোৱালপাৰাৰ আৰক্ষীয়ে গ্ৰহণ কৰিছে বিশেষ কাৰ্যসূচী৷ শনিবাৰে জিলাখনৰ বিভিন্ন স্থানত আৰক্ষী বিভাগৰ ফালৰ পৰা বেনপাৰ্টিৰে শোভাযাত্ৰা উলিওৱা হয়৷

শনিবাৰে বিয়লি আগিয়াৰ পিছতে কৃষ্ণাই বজাৰত আৰক্ষীৰ জোৱান সকলে বেনপাৰ্টিৰ প্ৰদৰ্শন কৰে ৷ প্ৰায় এঘন্টা সময় ধৰি আৰক্ষীৰ এই প্ৰদশৰ্নত কৃষ্ণাই বজাৰৰ দুই শতাধিক লোকে উপভোগ কৰে ৷

এই অনুষ্ঠানত জিলাখনৰ আৰক্ষীৰ উচ্চ পদস্থ ৱিষয়া সকলো উপস্থিত থাকে৷