আপ’ৰ কাৰ্যালয়ত সুধাকণ্ঠৰ ৯৮ সংখ্যক ওপজা দিন

সুধাকণ্ঠ ডঃ ভূপেন হাজৰিকাৰ ৯৮ সংখ্যক ওপজা দিন উপলক্ষে আজি গণেশগুৰিস্থিত আম আদমী পাৰ্টিৰ ৰাজ্যিক কাৰ্যালয়ত অনুষ্ঠিত হয় “মোৰ গীতৰ হেজাৰ শ্ৰোতা” শীৰ্ষক এক বৰ্ণাঢ্য অনুষ্ঠান।

পুৱা ১১ বজাৰ পৰা আবেলি ২ বজালৈ আপৰ ৰাজ্যিক কাৰ্যালয়ৰ সভাকক্ষত এই কাৰ্যসূচী পালন কৰা হয় । অনুষ্ঠানত বিশিষ্ট অতিথি হিচাপে অংশগ্ৰহণ কৰে ৰাজ্যৰ এগৰাকী জনপ্ৰিয় চলচ্চিত্ৰ অভিনেতা যতীন্দ্ৰ নাথ খনিকৰ আৰু গায়িকা মৌচুমী বৰাই ।

সুধাকণ্ঠৰ জন্মদিন উপলক্ষে এই আড়ম্বৰপূৰ্ণ কাৰ্যসূচীত বিমলা দেৱীৰ নেতৃত্বত মণিপুৰী শিল্পীৰ এটি দলে সুধাকণ্ঠলৈ শ্ৰদ্ধাঞ্জলি জনাই মণিপুৰী ভাষাৰ কোৰাচ পৰিবেশন কৰে।

অনুষ্ঠানত কণ্ঠশিল্পী দীপালী শৰ্মাই ভূপেন হাজৰিকাৰ গীত পৰিবেশন কৰে। সুধাকণ্ঠৰ গীতৰ তালে তালে নৃত্য পৰিৱেশন কৰে ভাৰত নাট্যমৰ শিল্পী মৃগাক্ষী ডেকাৰজাই।

সুধাকণ্ঠ ভূপেন হাজৰিকাৰ কৰ্মময় জীৱন, সংগীত সাধনা আৰু জীৱন আদৰ্শৰ প্ৰাসংগিকতা সন্দৰ্ভত ভাষণ দিয়ে আপ, অসমৰ নেতা ভিক্টৰ গগৈ, ঋষিৰাজ কৌণ্ডিন্য, প্ৰবীন শৰ্মা আৰু পুনম গগৈয়ে।

ৰাজ্যৰ বিভিন্ন জিলাৰ আপৰ কৰ্মকৰ্তা সকলে অংশগ্ৰহণ কৰা এই অনুষ্ঠানৰ আঁত ধৰে আপৰ জ্যেষ্ঠ নেত্ৰী অনুৰূপা ডেকাৰজাই ।