বিহাৰ বিধানসভা নিৰ্বাচনত এনডিএৰ সংখ্যাগৰিষ্ঠতা লাভ, মহা জোঁট বন্ধনে পালে ১১০ খন আসন

বিহাৰ বিধানসভা নিৰ্বাচনত প্ৰত্যাশিত ভাবেই বিজেপি নেতৃত্বাধীন এনডিএই সংখ্যাগৰিষ্ঠ আসন লাভ কৰি পুনৰ চৰকাৰ গঠনৰ দিশে অগ্ৰসৰ হৈছে।

২৪৩ জনীয়া বিহাৰ বিধানসভাৰ নিৰ্বাচনত এইবাৰ এনডিএই লাভ কৰিছে ১২৫ খন আসন।

বিজেপিয়ে একক ভাবে লাভ কৰিছে৭৪ খন আসন।জনতা দল ইউনাইটেডে লাভ কৰিছে ৪৩ খন আসন।আৰজেডিয়ে লাভ কৰিছে ৭৫ খন আসন।

বিএছপিয়ে এখন আসনতে সীমাৱদ্ধ থাকিবলগীয়া হৈছে।তাৎপৰ্যপূৰ্ণ ভাবে আছাদুদ্দিন ৱাইছিৰ দল এআইএএইএমে এইবাৰ ৫ খন আসন লাভ কৰিছে।

চিৰাগ পাছোৱানৰ দলে এখন আসনহে লাভ কৰিবলৈ সক্ষম হৈছে। পূৰ্বৰ চুক্তি অনুসৰি সকলো ঠিকে ঠাকে থাকিলে নীতিশ কুমাৰ এইবাৰ পুনৰ বিহাৰৰ মুখ্যমন্ত্ৰী পদত অধিষ্ঠিত হব।

প্ৰধানমন্ত্ৰী নৰেন্দ্ৰ মোদীয়ে এনডিএক বিপুল ভোটত বিজয়ী কৰা বাবে বিহাৰৰ জনতাক ধন্যবাদ জ্ঞাপন কৰিছে।

তেওঁ কয় যে বিহাৰৰ সৰ্বাংগীন উন্নতিৰ বাবে চৰকাৰে কাম কৰি যাব।

পূৰ্বে ঘোষিত নিৰ্বাচনী সমীক্ষা মতেই বিহাৰত এইবাৰ এনডিএৰ চৰকাৰ হৈছে।